Hiru hilaran joko eramangarria

Kaixo berriro!
Oraingo honetan ere beste ataltxo bat  estreinatzen degu, BERZIKLATZEN.
Atal honen barruan, zakarrontzira bota ordez, bizitza berria emango diegu erabilitako gauzei.
Oraingoan, kesito kutxa eta plastikozko tapoiak berziklatzen, joko eramangarri polit bat egingo degu.
Erraza eta praktikoa.Ondo pasako degu egiten eta erabiltzen.
Ea ba,  hasi gaitezen.

Irudian ikusten degun bezala, material gutxi beharko ditugu. Esandako gazta kutxa hutsa, plastikozko tapoiak, margoak, gometxak, papera....
Egitea erraza, esan bezala.
Gaztatxo kutxa nahi bezala dekoratuko degu , guk papera txuria moztu, ondoren tapan pegatu  eta gainean gometxekin lore bat egin genuen,  baina nahi bezala egin daiteke. Margotuz , aldizkariko irudiak moztu eta pegatuz...
Ondoren kutxaren barruan hiru hilaran jokoaren zirkuluak gometxak pegatuz egin genituen. Arkatzaz edo errotulagailuz ere margotu daitezke zirkuluak nahi izanez gero.
Bukatzeko tapoiak. Hauek gure fitxak izango dira. Sei behar ditugu, hiru kolore batez margotu eta beste hirurak beste kolore batekoak. Guk hauek ere bi kolore desberdinetako gometxekin egin genituen.

Eta prest! Badugu egina hiru hilaran jokoa.
Jolasten bukatzean fitxak kutxan barruan sartu, tapa jarri eta gorde. Gainera toki gutxi hartzen du eta edonora eramateko egokia da.
Hau da dena ,ba, gaurkoz.
Hurrenarte

Editatua.
Kartoizko gaztatxo kutxa birziklatu hau #3R+1conarte-ra eramaten det, byterenya blogera.