2019rako egutegia

Kaixo berriro!!


Zer moduz festak?, Gabonak pasa berri ditugu eta urte zaharreko ospakizunak prestatzen egongo zaretela pentsatzen dut. Guk ala gabiltza ta.

Ala ere ez naiz zuetaz ahaztu, eta aurten ere, datorren urte berri honetarako egutegia prestatu egin det, zuekin partekatzeko.

Urte osoa orri batean jarri egin det. Gardena, sinplea eta txuri beltzean.
Koadernoan edo agendan erabiltzeko, edo sukaldeko paretan jartzeko. Zuek nahi dezuten moduan.

Beti bezala JPG formatuan dago, horrela zuek nahi dezuten tamainan inprima dezazuen.

Ikusi nola geratzen dan.....

Aurreko irudi hau, argazki muntaia da, ez uste, baina horrela gutxi gora behera nola gelditzen den ikusten da.


Egutegia lortzeko hemen beheko deskarga botoian klikatu eta irekiko zaizuen leihotik deskargatu besterik ez dezute behar.

Zuen gustukoa izango dela espero det.


Eta hau da guztia gaurkoz.


Ondo bukatu urtea eta datorrena osasunez eta maitasunez  josita etor dadila!!


Hurrenarte!

Birziklatuz egindako Gabonetako apaingarria

Kaixo berriro!!

Hementxe gaude bueltan.

Gaurko honetan  etxean dauzkagun materialak berrerabiliaz eta birziklatzen, Gabonetako apaingarri bat nola egin degun kontatuko dizuegu.

Internetez ikusi egin genuen  ideia batean oinarrituta, guk gure etxeko bertsio propioa sortu degu.
Etxeko txikien laguntza beharko degu lanaren erdia egiteko, eta arratsalde pasa polita izan dezakegu honelakoak sortzen.

Hauek izan dira erabili egin ditugun materialak.....

Aluminiozko papera, bokatak bildu eta gero, bota beharrean, lan honetarako erabiliko degu.
Desodorante poto hutsa, berez barruko bola behar degu. Erraz ateratzen da.
Lazo zinta gorria, edo nahi degun kolorekoa.
Kola beroa, edo itsasgarri fuerteren bat.
Eta argazkian agertzen ez badira ere, guraizeak.


Goazen orain pausoz-pausozkoarekin.....

Hasteko, desodorantearen bola aterako degu. Goraizaren puntaren laguntza oso erraz ateratzen da. Hori bai,  pauso hau heldu batek egin beharrekoa da.
Bola garbia eta lehorra eskuan daukagula, zinta gorriaren  zati txiki batekin zintzilikatzekoa egingo diogu eta kola beroarekin bolaren goiko partean itsatsiko degu.

Aluminiozko paperaren txanda iritsi da orain, eta hau da gure etxeko txikien laguntza eskatzeko momentua.
Paper zimurtuaren puskak mozten jungo gera, eta hauekin bolatxo txikiak egingo ditugu.

Orain kola pistolaren laguntzaz, aluminiozko paperez egindako bolatxoak, desodorantearen bolaren inguruan itsasten jungo gera, bola guztia estali arte. Poliki eta kontu handiarekin egingo degu hatzak erre gabe.
Pauso hau ere, noski, heldu batek egin beharko du.

Zinta gorriaren txanda berriro. Zintarekin laxito polit bat egin eta bolatxoaren gainean itsatsiko degu gure apaingarriari bukaera emateko.
Kitto, egin degu gure apaingarria zuhaitzetik zintzilikatzeko.

Ba hau izan da, aurten egin degun apaingarri berria. Espero degu zuen gustukoa izatea. Ala izan bada , animatu eta zuen egin.
Guk hau, amonaren etxeko zuhaitzean zintzilikatuko degu.
Eta ideia honen pausoz-pausozkoa Niña Bonita-k antolatzen duen #feliznaviDIY esteka festara eramango degu, handik pasa gabonetako sortkuntza gehiago ikusteko.

Hurrenarte!!!

Paketatze Polita: Arropa biltzen

Kaixo berriro!!

Hementxe gaude bueltan hilabete honetako Paketatze Polita erronkarako gure proposamena zuekin partekatzera.

Hilabete honetan bildu beharrekoa, arropa zen eta gauden garaia kontuan hartuta, gabonetako kutsua eman behar genion.

Guzti hori kontuan hartua, guk proposamen erraz eta sinple bat egin nahi genuen eta hau izan da bururatu egin zaiguna: gure gabonetako biltzeko papera sortzea.

Hauek izan dira erabili egin ditugun materialak....

Folio bat edo behar ditugunak gure oparia biltzeko aina tamaina lortu arte. Guk batekin nahiko izan degu.
Errotulagailu bat. Guk beltza erabili egin degu baina kolorea bakoitzaren gustuen araberakoa izan daiteke.
Zeloa,  gure paketea ondo biltzeko eta folio bat baino gehio erabili behar badugu bata bestearekin itsasteko.
Lazoa. Nahi degun kolorekoa.


Goazen orain pausoz-pausozkoarekin....

Errotulagailua hartu eta folioa gure gustuen arabera apainduko degu. Gure kasuan gabonak zoriontzeko mezua idatzi degu, oraingo honetan hiru hizkuntzetan.
Elur malutak, gabonetako zuhaitza eta abar jarri daitezke ere, baino guri letra beltzak folio zuriaren gainean egiten duten efektua asko atsegin zaigu.

Orain oparia biltzera.
Guk, eskuz egin degun txanoa oparitzera goaz.
Folio apainduta hartu txanoa barruan sartu eta zeloaren laguntzaz bildu egingo degu.
Azkenik lazo urdina hartu egin degu eta inguruan dotore ipini degu.
Besterik gabe. Bukatu degu.

Hau da ba, gure proposamena. Sinplea, erraza eta gure ustez elegantea.
Orain azkar batean Patypeandora goaz gure proposamen hau bertan uztea. Paketatze polita erronkan parte hartzen degun guztien proposamenak ikusi nahi badituzue handik pasa eta gurea gustukoa baduzue gure alde bozkatu.

Ba besterik ez gaurkoz.

Hurrenarte!!!

Gabonetako postal erraza

Kaixo berriro!!

Gaurko honetan Gabonetako postal sinple eta erraz batzuk  nola egin kontatuko dizuegu.
Oso material gutxi beharko ditugu eta seguruenik etxean edukiko dituzuenak gainera.

Guri asko gustatzen zaigu gabonetan postalak jaso eta bidaltzea, eguberriak zoriontzeko era polita iruditzen zaigu.

Gure etxean ohitura da bakoitzak bereak etxean egitea eta familia eta lagunei bidaltzea.

Normalean gure denbora hartzen degu postal eder eta landuak egiteko, baina aurten Alaitz ikasketekin eta ni, lanarekin oso liatuak gabiltzanez, azkar batean egiten diran hauek bururatu egin zaizkigu.
Etxeko txikiak egiteko ere aproposak direla pentsatzen degu.

Hori bai, lan gutxi dute, baina maitasun handiz egin ditugu!!


Hauek behar ditugun materialak....

Kartulina beltza
Margolari zinta
Erregela
Goraizak
Errotulagailu beltz bat eta errotulagailu txuri bat.


Hasi gaitezen postalak prestatzen...

Lehenengo gure postalaren tamaina erabakiko degu, eta kartulina, horren arabera, markatu eta moztu egingo degu.

Orain margolari zinta puska batzuk moztu eta kartulinaren gainean itsatsiko ditugu.
Beraien gainean guk nahi duguna idatziko degu errotulagailu beltza erabiliaz.

Orain errotulagailu txuriaren laguntzarekin marrazkitxo batzuk egingo dizkiogu inguruan, guk tamaina desberdineko elur malutak jarri dizkiogu.

Sistema erraz honekin nahi ditugun modelo desberdinak egin ditzazkegu.

Hauek guk egindako pare bat....

Zuek postalak biltzekoak al zarete??.
Zuenak egiteko ohiturarik??
Animatu, egin eta bidali.....ederra izaten da posta kutxara joan eta gutaz oroitu direla ikusteak, benetan!


Hau ba dena gaurkoz.

Hurrenarte!

Abenduko egutegia

Kaixo berriro!!
Gaurkoan ere sartu irten azkar bat, abendua jada hasi denean, hilabete honetarako egutegia zuekin partekatzeko.
Nahiz eta gaur hilak 2 izan, espero det oraindik garaiz ibiltzea zuek deskargatu eta erabiltzeko.

Ea ba, hemen duzue abenduko egutegia deskargatzeko prest.

Beti bezala, JPG formatuan dago, zuek nahi dezuten tamaina inprima dezazuen.
Nahi izan ezkero, hemen beheko deskarga botoian klikatu besterik ez da egin behar.

Zuen gustukoa izango delakoan, gaurkoz agurtzea besterik ez zait geratzen.


Hurrenarte!!

Paketatze Polita: liburuak biltzen

Kaixo berriro!!

Nahiko kostata, baina hemen gaude bueltan.

Justu justu gure hilabete honetarako paketatze politaren proposamena aurkezteko garaiz.

Hilabete honetan bildu behar genuena liburuak ziren, gure proposamena gainera, eta kristoen ideia polita genuen egiteko, baina denbora falta alde batetik, eta ordenagailua ez zebilela bestetik, azkenean beste proposamen hau ekartzen degu.

Azken minutuan azkar batean egina eta etxean genuena erabiliaz. Ez da izan gu buruan genuen ideia, baina nahiko proposamen dezentea geratu egin zaigula uste degu.


Hauek erabili egin ditugun materialak...

Blonda txuri bat. Pastelen azpian apaintzeko jartzen diren horietakoa.
Aluminiozko papera, janaria biltzeko arrunta.
Margolari zinta
Errotulagailuak.
Etxean genituenak ikusten dezuten bezalaxe.



Eta hemen gure pausoz pausozko erraz erraza....

Lehenengo, aluminiozko paperean bildu egingo degu liburua. Bokata biltzen egongo bagina bezala.
Ondoren, eta apaingarri moduan, blonda txuria gainetik jarriko diogu alde batean.
Eta dena ondo helduta geratzeko, margolari zintarekin buelta pare bat emango diogu inguru guztitik.
Paketearen erdian egin ezkero hobeto geratuko zaigu.

Azkenik,margolari zintaren gainean guk nahi deguna idatziko degu. Oparia jaso behar duenaren izena, esaldi polit bat, edo gure kasuan bezala, zorion hitzen bat.

Prest! bukatu egin degu gure paketatze polit inprobisatu hau.

Orain, Patypeando-ra goaz gure proposamena beste guztiekin elkartzera hilabete honetako #paketatzepolita esteka festara.


Hurrenarte!

Azaroko egutegia

Kaixo berriro!!

Hementxe gaude sartu irten azkar batekin, datorren hilabeterako egutegia zuekin  partekatzera.

Udazken betean gauden honetan,(hemendik hotza , haizea eta euria honezkero ugari daukagu), hosto eta kalabazekin dekoratua dago  eta zuen gustukoa izango dela espero det.


Hemen azpiko irudi honetan ikusiko dezue nola geratzen den....

Beti bezala JPG formatuan dago, zuek nahi dezuten tamainan inprima dezazuen.
Nola egin hori....ba, oso erraz. Hemen azpian deskarga botoian klikatu ezkero, beste leihotxo bat irekiko zaizue eta bertan deskargatzeari eman eta zuena izango da.

 Zuen gustukoa bada,zuen sareetan partekatzen baduzue, eskertuko dizuet, horrela jende gehiagorengana iritsiko bai da.

Ba hau izan da dena  gaurkoz!!

Hurrenarte!!

Euskaraz egindako egutegia eskuzegindak antolatzen duen udazkeneko esteka festara eramaten det. Handik pasa euskaraz egindako beste lan ugari ikustera

Katrina maskarak halloweenerako

Kaixo berriro!!

Hementxe gaude bueltan.

Gaurkoan, halloween ospatzeko edo inauterietan mozorrotzeko erabili daitekeen katrina maskara batzuk nola egin ditugun kontatuko dizuegu.

Hilen gauean, edo halloween egunean janzten diren maskara hauek asko gustatu zaizkigu eta egun hauetan toki askotan ikusten ditugu, baina oso garestiak izaten dira, eta guri gureak egitea bururatu egin zaigu.

Hauek erabili egin ditugun materialak, ikusi.....

Kartoizko maskara bat. Guk bazar batean erosi ditugu, euro bat bakoitza.
Arkatza.
Errotulagailu permanenteak.


Orain pausoz pausozkoa......

Lehenengo eta behin, arkatzarekin gure maskararen gainean guk nahi degun diseinua marraztuko degu.
Guk interneten irudi asko begiratu eta gureak osatu egin genituen.

Eta ondoren, errotulagailuekin gure diseinua errepasatu eta margotuko degu.
Azpiko arkatz markak borragoma erabilita kenduko degu beharrezkoa izango balitz.

Eta kitto, eginak daude. Guk hiru desberdin egin ditugu era honetan.
Ikusten dezuten bezala oso erraza izan da eta ikusgarriak gelditzen direla iruditzen zaigu.
Ilean, lore sorta handi bat jarri ezkero primerako katrina jantzia geratuko zaizue.
Edo nahi izan ezkero maskara bertan loretxoak itsatsi daitezke, ere.


Ba hau izan da guztia gaurkoz.

Hurrenarte!

Paketatze Polita: gailetak biltzen

Kaixo berriro!!

Hementxe gaude bueltan eta gaurkoan, gure lagun Patypeando-ko Paketatze polita erronkarako gure proposamena ekartzen degu.

Joan dan hilabeteko paketatzean, gu izan ginen garaile, eta horregatik guk aukeratutako gauza izan da hilabete honetan bildu egin behar genuena.

Guk gailetak biltzea aukeratu egin genuen, eta hau gure proposamena horretarako.

Oso oso erraza eta sinplea, ikusi....




  

Material gutxi beharko ditugu oraingoan.
Kartoizko edalontzia, guk birziklatua erabili degu. Ondo garbitu eta lehortu ondoren gure paketatzerako prest.
Goraizeak
Washi tapea, edalontzia apaintzeko.
Kitto, horrekin nahikoa. Ah gailetak joan dan asteko espeltazko errezeta erabiliaz egindakoak dira.



Hasi gaitezen paketatzearekin...

Lehenengo edalontziari, goiko partean dakarren ertz biribildua kendu egingo diogu.
Ondoren washi-tapearekin inguru guztia estali egingo degu gure gustura edalontzia apainduz.

Orain edalontziari, goiko partean mozketa txiki batzuk egingo dizkiogu solapatxo batzuk sortuz.
Hauek beherantz piskat zapalduko ditugu.
Gailetak barruan sartzeko momentua da hau.

Paketea ixteko garaia iritsi da.Horretarako, solapa guztiak barrura bildu egingo ditugu. Eta ondoren eta paketea ondo itxi dadin goiko partean washi gehiago ipiniko degu.

Azkenik, eta ondo apain gera dadin, washi tapearekin lazitotxoak egin eta elkarrekin itsasten apaingarri polit bat egin eta jarriko diogu gure edalontziari.

Prest. Badugu gure paketatzea egina.
Orain Patypeandora goaz Paketatze Polita erronkan gure partaidetza uztea. Handik pasa zaitezte beste proposamen guztiak ikustera, eta gurea gustukoa baduzue, gure alde bozkatzera.

Ba hau izan da guztia gaurkoz.

Hurrenarte!