Paketatze Polita aluminiozko ontzia eta feltoa erabiliz

 

Kaixo berriro!

Gaurkoan, blogera bueltan ekartzen ditugu paketatze polita erronkarako proposamenak.

Badakizuenez, erronka hau gure lagun @patypeando-k antolatzen du bere blogean. Bertan Patryk gai edo material bat edo batzuk ematen dizkigu, eta horrekin parte hartzaileak paketatze polit bat prestatu behar dugu.

Hilabete honetan, aluminiozko ontziak gehi feltroa erabiltzeko erronka bota digu Patryk eta hau da guri bururatu zaiguna material hori erabiltzeko.

Oraingoan, pazko garaiko goxoki eta txokolate batzuk oparitzeko untxi-poltsatxo bat egin dugu.

Hauek erabili egin ditugun material sorta guztia:

Aluminiozko ontzia, noski. Guk flan bateko ontzia berrerabili dugu flana jan ondoren.

Feltroa. Kasu honetan bi koloretakoa, txuria eta morea. Etxean genituenak ziran, beste lan batetik sobratutakoak.

Errotulagailu beltz bat.

Goraizak.

Kola beroa. Kola pistola eta guzti. Nahi izanez gero itsasgarri unibertsalen bat ere erabili daiteke.

 

Hasi gaitezen gure untxi-poltsa egiten.

 

 

 

Lehenengo egingo duguna, feltroa ontziaren inguruaren neurrira moztea izango da.

Ondoren eta kontu handiz ez erretzeko, kola beroarekin pegatuko dugu ontzianren inguruan.

Azkenik feltroa atzetik ere pegatuko dugu tutu bat osatuz. 

Egin dugun feltrozko tutuan, untxiaren belarriak marraztuko dizkiogu errotulagailuarekin, eta ondoren moztuko ditugu iruditan ikusten den bezala.

Sudurra eta biboteak egingo dizkiogu orain. Feltro txuriarekin sudurra eta feltro morearekin biboteak. Behin moztu egin ditugunean bata bestearen gainean pegatu eta gure untxiari jarriko dizkiogu.

Paketatzea ixteko feltrozko tira bat moztuko dugu orain.

Azkenik gure oparia untxiaren barruan sartu. (Kasu honetan gozoki eta txokolate batzuk.). 

Eta bukatzeko, belarrien hasieraren altueran moztu dugun azkeneko feltrozko tira jarri eta atzeko aldean korapilatuz, gure paketatzea bukatua izango dugu.

 

 

 

Prest, badugu hilabete honetako #paketatzepolita egina. Orain PATYPEANDO blogera goaz gure proposamen hau uztera. 

Aurkezten diren proposamen guztiak ikustera gonbidatzen zaituztegu, eta gurea gustuko baduzue, gure alde bozkatzera.

Hau izan da dena gaurkoz.

Hurren arte!

Pazko untxi apaingarriak

 

Kaixo berriro!

Hementxe gaude, behingoz, bueltan.

Hilabete luze eta konplikatu batzuk pasa ondoren, normaltasun piskat bueltatu da gurera, eta lortu dugu denbora pixka bat edukitzea eskulanetan berriro ere ibiltzeko, eta zuekin gure lanak partekatzen jarraitzeko.

Gaurko honetan, ain  gertu dagoen pazko garairako apaingarri erraz bat ekartzen dizuegu. Untxi pare batez osaturiko  apaingarria.

Beti bezala, azkar eta etxetik dauzkagun gauzekin egin daitekeena, birziklapena lantzen.

Hasi gaitezen erabili ditugun materialak ikusten:

 

 

 

Arrautzen ontzi bat. Arrautzak etortzen diren aldea erabiliko dugu.

Kartoia. Guk kartoizko gutun azal bat erabili dugu oraingoan, baina etxetik daukazuen edozein kartoi balio dezake.

Liburu zahar baten orrialdeak.

Sukaldeko paper puska bat. Edo komuneko papera, daukazuena.

 

Kola, kasu honetan barrakoa.

 

Goraizak 

 

Errotulagailuak. Beltza eta Txuria.

 

Txantiloa. Guk erabili egin dugun hau nahi baduzue, HEMEN KLIKATU.

Behin material guztiak prest ditugunean, hasi gaitezen untxiak egiten.

 

 

 

 

Lehenengo egingo duguna, txantiloa deskargatu,inprimatu eta moztea izango da.

Aurrerago esan dizuegun bezala, guk erabili dugun txantiloa nahi izan ezkero, materialen zerrendan utzi dizuegu deskargatzeko esteka.

 

 Txantiloa kartoiaren gainean jarri eta ingurua marraztuko dugu. Guk bi aldiz egin dugu, bi untxi egin nahi genituelako, baina zuek nahi aina bider egin dezakezue.

Lehenengo kartoizko untxia hartu, eta errotulagailu txuriarekin inguru guztian marratxo txikiak egin dizkiogu. Harizko kostura bat izango balitz bezala.

Ondoren, zirkulu bat marraztu dugu liburu zaharraren orrialdeetako batean. Zirkulua moztu eta kolarekin untxiari pegatu diogu isatsa irudikatuz.

Bigarren untxia hartu, eta liburu zaharraren orrialde baten gainean pegatu eta moztuko dugu.

Horrela untxia letraz jantzita izan dezagun.

 

 

 

 

 Errotulagailu beltza hartu eta lehenengo untxiari egin diogun bezala inguru guztia puntada beltzez marraztuko dugu.

Kartoi puska batean zirkulua egin, moztu eta pegatuko diogu.

Untxiak prest dauzkagu eta alde batean deskantsatzen utziko ditugu, jarriko ditugun habia prestatzen dugun bitartean.

Habia egiteko, sukaldeko papera hartu eta tira finetan moztuko ditugu. Tira hauek arrautzen kartoizko kutxaren gainean jarri eta habia egina izango dugu

Orain gure untxiak barruan sartu besterik ez dugu behar.

Habia zertxobait gehiago apaintzeko, liburu zaharraren orrialde puska batean pazko arrautza batzuk marraztu ditugu. Hauek moztu eta habiari pegatu dizkiogu. 

Eta prest. Gure pazko untxi apaingarriak bukatu ditugu. Orain etxeko zein txokotan jarriko ditugun erabaki behar dugu.

Bitartean, Anna Llansak antolatzen duen #reciclaycreadiy erronkara eramango ditugu. Bertatik pasatzera gonbidatzen zaituztegu aurkezten diren birziklapen lan guztiak ikustera, eta gurea zuen gustukoa bada, gure alde bozkatzera.

 

Hau izan da ba dena gaurkoz.

 

Hurren arte!

 

 

Kartoizko pazko arrautzen girlanda

 

Kaixo berriro !

Gaurko honetan, pazko oporrak gainean dauzkagula, etxeko txikiekin egiteko eskulan azkar bat ekartzen dizuegu.

Oraingoan kartoizko kutxa bat birziklatzen pazko arrautza batzuk egingo ditugu eta hauekin gure etxeko txokoren bat apaintzeko girlanda bat osatuko dugu. 

Oso erraz egiten den lana, eta oporretako arratsalde entretenigarri ba.t pasatzeko baliagarria izan daitekeena.

Hauek erabili ditugun materialak:

 

 

 

 

Kartoizko kutxa bat. Guk izozkien kutxa bat erabili egin dugu oraingoan.

Papera eta arkatza

Tenperak. Edo etxetik dauzkagun margoak.

Pintzelak 

Ura. Pintzelak garbitzeko.

Goraizak.

Orratz eta haria.

 

 

 

Pausoz-pausozkoarekin hasiko gara.

 

 

 

 

Papera eta arkatza hartu eta arrautza bat marraztu eta ondoren moztuko dugu. Honekin gure girlanda osatuko duten kartoizko arrautzen txantiloa egingo dugu.

Marrazten ez bagara oso abilak edo erosoagoa egiten bazaigu, irudia internetetik ere jaitsi dezakegu.

Behin gure arrautzen txantilo edo plantilla daukagula, kartoizko kutxa ireki eta bertan nahi aina arrautza marraztuko ditugu. guk dozena erdi bat egin ditugu, baina kantitatea bakoitzak nahi duen bezala egin dezake.

Kartoian marraztuak dauzkagunean goraizekin moztuko ditugu arrautzak. 

Orain parterik dibertigarriena dator. Margoketa. Gure tenpera eta pintzelak hartu eta kolorea emango diogu arrautzei. Oinarrizko kolore bat eman diogu guk lehenengo eta gainean beste koloreekin irudi diferenteak egin dizkiogu.

Pauso hau ere bakoitzak nahi duen eran egin dezake.

 

 

 

 

 

Arrautza guztiak margotu ditugunean, margoa lehortzen utzi eta lehorrak daudenean, orratza eta haria hartu eta gure girlanda osatuko dugu.

 

 

 

 

Orain gure girlanda hartu, eta nahi dugun txoko apaindu dezakegu.

Guk goiko irudietan ideia pare bat eskaintzen dizuegu.

Orain zuen txanda. Animatu eta bat egitera gonbidatzen zaituztegu.

Ba hau izan da dena gaurkoz.

 

Hurren arte!

 

Serpentinakin egindako Pazko arrautzak

Kaixo berriro!!

Gaurkoan iristear dauden aste santuko oporretan, umeekin egiteko eskulan erraz eta dotore bat ekartzen degu.

Guk  festetan, Gabonetan eta abar-etan erabiltzen ditugun serpentina guztiak jaso eta gorde egiten ditugu gehienetan, oraingo honetan bezala, beraiekin gauza politak sortu daitezkeelako.
Oraingo honetan  arrautza hauek sortu ditugu.
Gainera  DIYde todo un poco-ko Anna Llansak antolatzen duen #denetarikikasten esteka festarako gaia pazkoa denez, bertara eramateko aproposak direla ere bururatu zaigu .
Ea zuen gustukoak diran.

Apaingarri moduan erabili daitezken pazko arrautza hauek egiteko hauek izan dira erabili egin ditugun material sorta....

Serpentinak
Kola txuria
Pintzela.
Besterik ez.


Ikusi ditzagun orain arrautzak egiteko jarraitu ditugun pausoak...

Lehenengo, gure arrautza egiteko erabiliko degun arrautzaren koloreko serpentina hartu eta barrura kiribilduz biltzen joango gera zirkulu bat osatuz.
Serpentina tira batekin txikia geratzen denez, guk hiru erabili egin ditugu. Bata bestearekin lotzeko, pintzelarekin muturretan kola piskat eman eta bata bestearekin pegatu besterik ez da behar.

Nahi degun tamainako  zirkulua lortu egin degunean. Beste bat egingo degu. Bi beharko ditugu ta, arrautzaren bi erdi lortzeko.
Bi zirkulu berdin  ditugunean, barrura bultzatuko ditugu kontu handiz, gure arrautza erdiaren forma lortu arte.

Bi arrautz erdiak elkartzeko ordua iritsi da orain. Horretarako pintzelaz kolarekin busti eta bata bestearekin  elkartuko ditugu .
Pauso honetan,  umea txikia bada, gure laguntza beharko du.

Orain,bi aldeen lotura ondo pegatua gera dadin, elkartu egiten diren tokiaren gainean, kola gehiago jarri eta gainetik serpentina tira bat pegatuko degu.
Ondoren arrautza guztia kolaz margotuko degu ,  babesle moduan kapa bat sortuz.
Lehortu arte itxoingo degu eta, prest! arrautza egina.



Guk pare bat egin ditugu eta saskitxo txiki baten jarri ditugu, kabi baten barruan  egongo balira bezala.

Orain gure pazko arrautza hauek #denetarikikasten esteka festara eramango ditugu, bertatik pasa beste proposamen guztiak ikustera eta gustukoa baduzue gure alde bozkatzera.

Ba hau izan da guztia gaurkoz.


Hurrenarte!

Paketatze Polita: Pazko arrautzak biltzen

Kaixo berriro!!

Gaurkoan, hilabete honetako #PaketatzePolita-rako gure proposamena ekartzen degu.

Dakizuen bezala, Patypeando-ko Patryk antolatzen duen erronka dibertigarri honetan, Bildu beharreko zerbait proposatzen da eta  partaideak  paketatzeko era polit, original edo dibertigarri bat asmatu egin behar degu.

Hilabete honetan bildu behar genuena pazko arrautzak ziran eta hau izan da guri bururatu egin zaiguna, pazko untxiaren forma duen potoa.

Hauek erabili ditugun materialak...

Patata poto hutsa eta garbia.
Kartulina txuria
Seda papera, nahi degun koloretakoa. guk arrosa erabili degu.
Kola, arkatza errotulagailu pare bat eta goraizak.
Ah! Eta txokolatezko pazko arrautzak.

Lehenengo, potoa paperaren gainean jarri eta gorputzaren tamainako tira pare bat markatu eta moztu ditugu.

Bi paper tira hauek, bata bestearen gainean pegatu ditugu, nahiko gardenak direnez potoaren berezko marrazkiak ikusi ez daitezen.

Orain paper tira potoaren gorputzean pegatu egin degu. Guri bi buelta emateko eman digu.

Potoari buelta eman eta bere ahoaren tamainako zirkulu pare bat egin eta motu egin ditugu.
Hauek ere bata bestearen gainean pegatuz.

Zirkuluak ikusten dezuten bezala, taparen barruan pegatu egin ditugu , barruan dagoena ikus ez dadin.

Untxiaren itxura emateko, kartulina txurian belarriak eta hankatxoak marraztu eta moztu egin ditugu, eta forma berdina baina tamaina txikiagoko piezak, seda paperean ere egin ditugu.

Seda papera  kartulinaren gainean pegatu eta errotulagailuarekin errepasatu egin ditugu.
Belarriak eta hankatxoak, prest.

Orain, belarriak potoaren tapa gainean  eta hankatxuak potoaren behealdean pegatzeko garaia. Untxia forma hartzen hasi zaigu.

Errotulagailuak hartu eta aurpegitxoa marraztuko diogu.
Eta nahi izan ezkero (guk ala egin degu), seda paperarekin bolatxo bat egin eta ipurdiaren atzeko aldean pegatuz isatsa egingo diogu.

Sobratu egin zaigun seda paperarekin tira txiki fin batzuk egin ditugu potoaren barruan arrautzak sartzerakoan ez dezaten dantza egin eta babestuagoak egon daitezen.
Azkenik arrautzak barruan sartu, tapa jarri eta prest!!

Badauzkagu gure pazko arrautzak , Pazko untxi atsegin honen barruan ondo gordeta.

Orain Untxia hartu eta #PaketatzePolita- n parte hartzera daramagu.
Handik pasa beste proposamen guztiak ikustera, eta gurea zuen gustukoa bada bozka ezazue gure alde!.

Besterik ez gaurkoz.

Hurrenarte!!