Apirilak 2022-rako egutegia

 

 

 

Kaixo berriro!

Hementxe gaude, sartu irten azkar batean, datorren hilabeteko egutegi inprimagarria zuekin partekatzeko. 

Aurtengo guztiak bezala, lorez jantzita dator kolore punttu bat emanez. Espero dugu zuen gustukoak izango direla.

Azpiko irudian ikus dezakezue nola geratu egin zaigun...

Orain betikoa, zuen gustukoa dela eta zuentzat nahi duzuela?

Azpiko deskarga botoian klikatu eta zuena izango da.

Egutegia jpg formatuan dago zuek nahiago duzuen tamainan inprima dezazuen.

Baliagarria dela uste baduzue, zuen sareetan partekatu nahi baduzue, asko eskertuko genizueke.

 Hau izan da dena gaurkoan.

Hurren arte

Sukaldeko paperez egindnako tulipauak

 

 

 

Kaixo berriro!

Gaurko honetan, garai honetan ain modan jarri diren tulipan sorta bat etxean dauzkagun materialekin nola egin dugun kontatuko dizuegu.

Azkenekoz egin genituen loreak, komuneko paperarekin egin genituen arrosak izan ziren. Oraingoan, berriz, sukaldeko papera erabili dugu tulipauak egiteko.

Hauek ere erraz egiten diren loreak dira, eta ikus dezakezuenez oso politak geratzen dira.

Etxeko txikiek laguntza pixka batekin egin ditzakete gainera.

Hauek behar ditugun material guztiak:

Sukaldeko papera, noski.

Publizitate papera, edo periodiko papera berrerabilerako edozein.

Zelo berdea

Kola. Guk barrakoa erabili dugu.

Goraizak.

Hasi gaitezen gure loreak prestatzen...

 

 

 

Lehenengo egingo duguna, lorearen zurtoina izango da. Publizitate papera hartu eta diagonalean jarriz biribiltzen hasiko gera tututxo fin bat eginez. Bukaeran puntan kola apur bat jarriz ondo itsatsiko dugu.

 

 

 

Sukaldeko paperaren txanda orain.

Karratu bakoitza ( papera berez markatuta ekartzen dituenetakoa), sei tiratan moztuko dugu.

Tira bakoitza erditik tolestu eta tolesdura kiribilduz petalo bat sortuko dugu.

Gauza bera sei pusketekin egingo dugu, sei petalo eginez.

Lorea sortzen hasteko, paperezko bolatxo bat egin, beste paper batekik bildu,eta zurtoinari lotuko diogu zelo berdearekin lagunduta. Horrela lorearen muina edo zentroa eginez.

Petaloak jartzeko ordua. Banan bana jarriko ditugu zelo berdearen laguntzaz. Lehenengo biak hasieran egin dugun zentroa ondo estaltzen bata bestearen kontra jarriko ditugu.

Ondoren eta banan bana, hauek ere, beste petalo guztiak jarriko ditugu inguran tulipaua osatuz.

Hostoak egiteko, publiaren orri  bat hartu eta gainean eta bi aldeetatik zelo pixka bat jarri eta hosto forma moztuko dugu. Besterik ez.

Loreak bukatzeko, zutoina zelo berdeaz bildu dugu osorik. Batzuei hostoak jarri dizkiogu eta  beste batzuk gabe utzi ditugu. Hostoak ere zelo berdearekin lotu ditugu zutoinean.

Eta prest. Baditugu gure tulipauak bukatuak. Orain lore ontzi polit batean jarri eta nahi dugun txokoa apainduko dute.

Hau izan da dena gaurko honetan. Orain zuen txanda, anima zaitezte zuen tulipau sorta propioak egiten!

Hurren arte!

Aitaren egunerako opari erraza

 

Kaixo berriro!

Gaurkoan iristear dagoen aitaren egunerako opari azkar bat nola prestatu kontatzera gatoz.

Azken minutuko opari hau, oso denbora laburrean prestatzen da eta etxean erraz edukiko dugun materialekin egiten da.

Etxeko txikiak beraiek bakarrik prestatu dezaketen opari erraza da hau.

Hauek behar ditugun material sorta:

Koloretako arkatzak. Betiko margoak, edo errotulagailuak, koloreztatzeko gustukoen duguna.

Arkatza eta errotulagailu beltza.

Folio bat. Edo kartulina txuria, nahiago duzuena.

Goraizak

Kola edo itsasgarri unibertsala.

Plastikozko tapa bat. Guk txokolate krema poto batena erabili dugu kasu honetan.

Imana. Edozein iman edo iman xafla. Gurea auzoko bazarrean merke merke erositako iman xafla baten puska erabili dugu.

Materialak bildu egin ditugunean, lanean hasiko gera.

Lehenengo egingo duguna, tapa hartu eta folioaren gainean bere ingurua markatuko dugu arkatzez.

Ondoren moztu eta taparen barruan sartzen den konprobatuko dugu. Ala ez bada pixka bat gehiago moztuko dugu ondo sartu dadin.

 

 

Orain papera hartu eta arkatzez nahi dugun mezua idatziko dugu bertan. Guk iruditan ikustenduzuen mezua idatzi dugu, baina zuek nahi duzuena idatz dezakezue.

Mezua apainduko dugu idatzi eta gero, bakoitzaren gustuen arabera margo edo errotulagailuz.Guk mezuari kolore pixka bat eman diogu i letren puntuen tokian bihotzak marraztuz eta gorriz koloreztatuz.

Gainera ilargiaren itxura eman diogu paperari, borobila zela aprobetxatuz.

Behin gure mezua bukatu dugunean, kola hartu eta taparen barru aldean pegatuko diogu.

Atzeko aldean, berriz, imana jarriko diogu.

Eta prest, gure oparia bukatua izango dugu.

Hozkailuan jartzeko primerakoa da.

Guk aitaren egunerako opari bezala proposatu dizuegu, baina maite dugun edonor-i oparitzeko balio dezake. 

Baita gure hozkailua apaintzeko besterik gabe. Marrazki edo mezu desberdinak eginez, adibidez.

Orain zuen txanda. Zuen bertsioa egitera gonbidatzen zaituztegu. 

Hau da dena gaurkoz.

Hurren arte!!

Paketatze Polita aluminiozko ontzia eta feltoa erabiliz

 

Kaixo berriro!

Gaurkoan, blogera bueltan ekartzen ditugu paketatze polita erronkarako proposamenak.

Badakizuenez, erronka hau gure lagun @patypeando-k antolatzen du bere blogean. Bertan Patryk gai edo material bat edo batzuk ematen dizkigu, eta horrekin parte hartzaileak paketatze polit bat prestatu behar dugu.

Hilabete honetan, aluminiozko ontziak gehi feltroa erabiltzeko erronka bota digu Patryk eta hau da guri bururatu zaiguna material hori erabiltzeko.

Oraingoan, pazko garaiko goxoki eta txokolate batzuk oparitzeko untxi-poltsatxo bat egin dugu.

Hauek erabili egin ditugun material sorta guztia:

Aluminiozko ontzia, noski. Guk flan bateko ontzia berrerabili dugu flana jan ondoren.

Feltroa. Kasu honetan bi koloretakoa, txuria eta morea. Etxean genituenak ziran, beste lan batetik sobratutakoak.

Errotulagailu beltz bat.

Goraizak.

Kola beroa. Kola pistola eta guzti. Nahi izanez gero itsasgarri unibertsalen bat ere erabili daiteke.

 

Hasi gaitezen gure untxi-poltsa egiten.

 

 

 

Lehenengo egingo duguna, feltroa ontziaren inguruaren neurrira moztea izango da.

Ondoren eta kontu handiz ez erretzeko, kola beroarekin pegatuko dugu ontzianren inguruan.

Azkenik feltroa atzetik ere pegatuko dugu tutu bat osatuz. 

Egin dugun feltrozko tutuan, untxiaren belarriak marraztuko dizkiogu errotulagailuarekin, eta ondoren moztuko ditugu iruditan ikusten den bezala.

Sudurra eta biboteak egingo dizkiogu orain. Feltro txuriarekin sudurra eta feltro morearekin biboteak. Behin moztu egin ditugunean bata bestearen gainean pegatu eta gure untxiari jarriko dizkiogu.

Paketatzea ixteko feltrozko tira bat moztuko dugu orain.

Azkenik gure oparia untxiaren barruan sartu. (Kasu honetan gozoki eta txokolate batzuk.). 

Eta bukatzeko, belarrien hasieraren altueran moztu dugun azkeneko feltrozko tira jarri eta atzeko aldean korapilatuz, gure paketatzea bukatua izango dugu.

 

 

 

Prest, badugu hilabete honetako #paketatzepolita egina. Orain PATYPEANDO blogera goaz gure proposamen hau uztera. 

Aurkezten diren proposamen guztiak ikustera gonbidatzen zaituztegu, eta gurea gustuko baduzue, gure alde bozkatzera.

Hau izan da dena gaurkoz.

Hurren arte!