Birziklapen azkarra: Loreontzia

 

Kaixo berriro!

Hementxe gaude eskulanekin bueltan. Oraingo honetan, birziklapen lan azkar eta polit batekin gatoz.

Udazken euritsua (azkenik eta zorionez euria dugu bueltan) hasi den honetan, edozein arratsaldean egiteko aproposa iruditu egin zaigu.

Etxetik dauzkagun edozein plastikozko botilatxo loreontzi eder bihurtuko dugu oso era errazean, ikusiko duzue.

Hauek izango dira erabiliko ditugun material sorta:

Plastikozko botila edo ontzia. Kondizio bakarra txuria izatea da. Esnearena, txanpu edo xaboiarena edoizen balio du txuria baldin bada. Gurea esne kondentsatu pote bat da.

Errotulagailu permanenteak. Gure gustuko edozein koloretakoak eta beltz bat.

Goraizak.

Behin materialak dauzkagula, hasi gaitezen gure ontzia loreontzi bihurtzen.

Lehenengo egingo duguna, ontzia biluztea izango da. Horretarako tapa eta dakarren etiketa guztiak kenduko dizkiogu.

Eta ondoren ondo garbitu eta lehortuko dugu. Barrutik eta kanpotik.

Ontzia garbia eta lehorra dugunean, apaintzen hasiko gera. Horretarako errotulagailu permanenteak hartu eta gainean inguru guztian margotzen hasiko gera. Bakoitzaren gustuen arabera.

Guk kasu honetan, lehenengo kolore piskat jarri diogu oinarri gisa irudi irregularrak osatuz, eta ondoren eta errotulagailu beltzaren laguntzaz, gainean gure gustuko irudiak egin ditugu.

Apaintzeko fase honetan, bakoitzaren gustu eta irudipena libre lantzeko momentua da.

Behin gure gustura apaindu dugunean, barrua betetzeko garaia iritsiko da.

Paperezko lore polit batzuk, guk bildutako lore sorta bat, nahi duzuena jarri eta gure etxeko edozein txoko alaitzeko prest izango dugu.

Guk gure ikas mahaiaren gainean jarri dugu, paperezko lore batzuk barruan jarri ondoren.

Lan erraza, ezta?. Orain zuen txanda.  Anima zaitezte zuen bertsio propioak egitera!

Ba besterik ez gaurkoz.

Hurren arte.

Urriak 2022-rako egutegia

 

Kaixo berriro!

Hementxe gaude bueltan, datorren hilabeteko egutegi inprimagarria zuekin partekatzeko.

Hau ere lorez jantzita dator aurtengo guztiak bezala.

Datorren urteko egutegiak prestatzen hasiko garenez, zuen iritzia jakitea gustatuko litzaiguke.

Zer nolako apaingarri edo egutegiaren zein orientazioa nahiago duzuen kontatzen badiguzue kontuan edukiko dugu. 

Bitartean, hemen azpiko irudian, hilabete honetako egutegia hobeto ikus dezakezue:

Zuen gustukoa dala eta zuentzat nahi duzuela, ba badakizue, azpiko deskarga botoian klikatuz zuena izango da.

Eta zuen sareetan edo zuen lagunenen artean partekatzen baduzue ere, eskertuak egongo gara. Ahalik eta jende gehiagorengana iritsi gaitezen.

Beti bezala, jpg formatuan dago, horrela nahiago duzuen tamainan inprima dezazuen.

Hau da dena gaurkoz.

Hurren arte!

Kurtso berrirako etiketa eta ordutegi inprimagarriak

 

Kaixo berriro!

Iritsi da iraila eta gehienentzat irailarekin hasiera berriak etortzen dira. Lanera itzulera eta eskolara buelta dauzkagu gainean.

Horregatik eta kurtso berri hau ondo hasteko, aurten ere eskola liburu eta koadernoentzako etiketa inprimagarri berriak zuekin partekatuko ditugu.

Gainera aurten, eskola ordutegia ere ekartzen dizuegu.

Aurtengo diseinuak txuri beltzean egin ditugu.Alde batetik inprimatzeko errazago eta merkeago izan daitezen eta beste aldetik nahi duenak kolorezta dezan nahiago duen moduan.

Zuen gustukoak izango direla espero dugu.

Prozesua erreza da. Azpian dauden inprimagarrien irudietan  klikatu eta inprimagarria deskargatu ondoren, inprimatu. Eta inprimatu ondoren nahi izan ezkero koloreztatu.

Ordutegiarekin gauza bera. Nahiago dugun tamainan inprimatu eta nahi izan ezkero koloreztatu.

Eta gure eskola ordu eta gaiekin betetzeko prest izango duzue.

 

Hemen azpian inprimagarri bakoitzaren irudi bana jarri dizuegu. Gainean klikatuz deskargatu ahal izango duzue. Nahi aina bider.

 

Etiketekin hasiko gera. Lehenengo honetan gaia, maila eta izena jartzeko tokia zehaztuta dator:

 

 

 

Pdf formatuan dago eta zortzi etiketa datoz.

Etiketa bigarren modeloa. Hau zehaztasunik gabe dator, nahiago duzuena idatz dezazuen.

Hau ere pdf formatuan eta zortzi etiketekin, ere.

Eta  azkenik eskola ordutegia:

Ordutegia, jpg formatuan dago nahiago duzuen tamainan inprima dezazuen erreztasun osoz.

Eta hau izan da dena gaurkoz.

Beno gauzatxo bat bakarrik, zuen gustukoak izan ba dira parteka itzazue, mesedez, horrela jende gehiago iritsiko dira eta poza handia hartuko dugu. 

Eskerrikasko!

Hurren arte!

Irailak 2022-rako egutegia

 

 

 

Kaixo berriro!.

Gaurkoan ere sartu irten azkar bat datorren hilabeterako  egutegia zuekin partekatzeko soilik.

Azkenekoan esan genizuen bezala, oso uda lanpetua ari gera izaten eta hemendik pasatzeko astirik gabe gabiltza.

Ala ere ez genuen  gure hilabeteroko zitari huts egin nahi , eta  hementxe gaude Irailerako egutegi inprimagarriarekin, ikusi:

Hau ere, lorez jantzita dator, eta zuen gustukoa izango dela espero dugu.

Egutegia lortzeko egin behar duzuena honezkero badakizue, baina bada ez bada gogoraraziko dizuet:

Azpiko deskarga botoian klikatuz zuena izango da.

Gure inprimagarri gehienak bezala, jpg formatuan dago nahi duzuen tamainan inprima dezazuen.

Hau ba dena gaurkoz.

Hurren arte!

Abuztuak 2022rako egutegia

 

Kaixo berriro!

Zer moduz uda?

Gurea nahiko lanpetua dabil, eta horregatik, hemendik, gutxi pasatzen ari gera. Ala ere datorren hilabeteko egutegia zuekin partekatzeko sartu irten azkar bat egiteko denbora apur bat atera dugu.

Aurtengo egutegi guztiak bezala lorez jantzita dator azpiko irudian hobeto ikus dezakezuenez...

 

 

 

Zuen gustukoa dela eta zuentzat nahi duzuela?,  ba erraz. Beti bezala azpiko botoian klikatuz zuena izango da.

Gure inprimagarri guztiak bezala, jpg formatuan dago nahi duzuen tamainan inprima dezazuen.

Ba besterik ez gaurkoz.

Hurren arte!

Uztailak 2022- rako egutegia

 

Kaixo berriro!

Hementxe gaude bueltan, datorren hilabeterako egutegia zuekin azkar batean partekatzeko.

Konturatu gabe, eskolako oporrak iritsi dira eta uda gainean daukagu. 

Uztailerako gure egutegiaren loreontzia, lore koloretsuz bete egin dugu, begira:

Orain betikoa,  zuen gustukoa bada eta zuentzat nahi duzuela, azpiko deskarga botoian klikatu eta zuena izango da.

Gure inprimagarri gehienak bezala jpg formatuan dago nahi duzuen tamainan inprima dezazuen.

Hau izanda dena gaurkoz. Espero dugu zuen gustukoa izana eta asko erabili eta partekatuko duzuela.

Hurren arte!

Erresinarik gabeko lore enkapsulazioa

 

Kaixo berriro!

Egun hauetan loreak bildu eta liburuen artean lehortzen ibili eta gero, lore kapsulazioari buruzko tutorialak, bideo eta liburu ugari ikusten ibili gera.

Gehienak erresina erabiltzen dute loreak kapsulatzeko. Guk beste bertsio errazago baten bila ibili gera, eta bat edo beste ikusi eta gero, etxetik genituen materialak aztertu ondoren, bertsio hau prestatu dugu.

Emaitza asko atsegin izan dugunez, zuekin partekatzera animatu gera.

Hauek izan dira erabili egin ditugun material sorta:

Lore lehorrak, noski.

Giltzatakoak egiteko erabiltzen diren arotxoak.

Plastikozko bilgarria, guk folioentzako fundak biltzen zituen bat erabili dugu.

Anila txiki pare bat eta kordela. Honekin zintzilikario bihurtu dugu gure lore kapsulatua.

Goraizak. Mozteko ezinbestekoak.

Behin materialak eskura ditugunean, lanean hasiko gera.

Lehenengo egin duguna, arotxoa plastikoaren gainean jartzea izan da. Bazterretik hasita plastikoaren tolesdura errespetatuz ero lorea barruan sartuko bai dugu plastikoaren barruan gera dadin.

Aroaren tamaina kalkulatu eta horren arabera plastikoa moztuko dugu.

Ondoren lorearekin gauza bera egingo dugu, horrela aroaren barruan sartuko zaigun lore puska moztuz.

Lore puska plastiko puskaren barruan sartu eta hau kontu handiz eta poliki poliki aroaren barruan sartzen joango gera.

Pausu hau nahiko zaila egin zaigu, plastikoa biguna zelako eta kostatu egin zaigulako aroaren barruan sartzea. Baina pazientzia apur batekin lortu egin dugu. Hori bai,hurrengo baterako plastikozko zorro gogorragoa erabiltzea pentsatu dugu.

Plastikoa barruan dugula, kanpotik geratu zaigun soberakina moztuko dugu kontu handiz.

Eta horrela gure erresinarik gabeko kapsulazioa prest izango dugu.

  

Guk,orain, gure lore kapsulatua koilare edo zintzilikario bihurtu nahi genuenez, anilinatxo bat jarri egin diogu .  Anilatxoa ireki eta aroan jarri eta itxi egin dugu.

 

 

 

Azkenik behar genuen neurriko kordel puska moztu, anilatxoatik pasa eta puntak korapilatuz gure zintzilikarioa sortu dugu.

Ze iruditzen zaizue?. Gure gusturako oso politak geratu egin zaizkigula pentsatzen dugu. Gainera bakoitza bakarra eta esklusiboa izango da, ez bai daude bi lore berdinik.

Uda honetan gure paparra apaintzeko koilare edo zintzilikario hauek ondo pozik eramango ditugu.

Orain zuen bertsio propioak egitera gonbidatzen zaituztegu.

Hau izanda dena gaurkoz.

Hurren arte!