Betiko Jolasak

 

Kaixo berriro!

Gaurkoan betiko jolas baten  beste bertsio berri bat ekartzen det. Hiru hilaran jokoa. Beste batean ere jolas honen bertsio bat ekarri nuen onera, gazta kutxa bat birziklatuz, baina gaurko honetan beste bueltatxo bat emanda ekarri egin det.

De todo un poco blog eko Anna Llansak bere blogean denetarik ikasten proposamena izaten du, non bakoitzak, aldez aurretik jarritako gai baten inguruan eskulan bat egiten du. Oraingo honetan " betiko jolasak" izan da aukeratutako gaia, eta bertan parte hartzea bururatu zait, hiru ilaran honekin.

Ea  ze iruditzen zaizuen. 

CD kutxa zahar bat, eta nespresso kapsula batzuk hartu eta hauxe da egin dudana.

Ikusten duzue, beti bezala, erraz lortzeko materiala. Kola, fieltrozko irudiak, kutxa, kapsulak eta rotu permanente bat bakarrik. Ah! eta erregela bat marrak zuzen margotzeko!
Orain pausoz pausokoa:

Lehenengo fitxak egin:  Kapsulak zapaldu eta bertan fieltrozko irudiak pegatu. Nahi bada, beste materialeko irudiekin ere egin daitezke....
Orain tableroa:

Erraz, erraza. Erregela eta rotuarekin tableroa kutxaren tapan marrazten degu, eta badugu tableroa egina.

Gainera fitxak, jolasten bukatzean, kutxaren barnean gordetzen dira.
Orain jolastera!

 Ba hau da  nire proposamena, betiko joko eder bat, erabilitako materialak birziklatuz.
Orain "aprendiendo de todo un poco" ra noa parte hartzera. Pasa zaitezte handik , parte hartzaile guztien proposamenak ikustera!

Hurrenarte!

Josketa kutxa

Kaixo berriro!
Gaurkoan beste eskulan batekin nator zuengana. Oraingoan josketa kutxa polit bat.
Orain dela denbora bat,nire gertuko pertsona batek, egurrezko galleta kutxa polit bat pasa egin zidan  beste bizitza berri bat emateko.
Buruari buelta batzuk ematen ari nintzaiola, pertsona berarekin hitzegiten ari nintzala, jakin izan nuen josketa kutxarik ez zuela etxean, eta hor piztu egin zitzaidan bonbilatxoa.
Gainera bere urtebetetzea iristear zegoen....

Hemen dituzue kutxa hau egiteko erabili ditudan materialak:

Ikusten dituzue, beti bezala materiala gutxi eta eraz lortzekoak. Oraingoan chalk paint argi bat erabili egin det. Pintura mota hau erabiltzen deten lehengo aldia izan da, eta ez da azkena izango. Oso emaitza ona eman dit.
Dekorazioa, inprimatutako marrazkiak dira. Kasu honetan, vintage estilokoak, baino nahi direnak erabili daitezke.
Hemen lanaren pausoz pausokoa:

Lehengo eta behin pintura ondo zabalduz kutxa guztia margotu , barrutik eta kanpotik. Kasu honetan kapa bakarra emanda  nahikoa izan da.
Pintura lehortzen zen bitartean marrazki guztiak moztu egin ditut.

Behin marrazkiak moztuta eta pintura lehortua dagoenean,  marrazkiak nola ipini planteatu, eta ondoren kola eta pintzelaz kutxan pegatu. Gainetik ere kola kapa bat eman egin diot.

Marrazkiak pegatu eta lehortu egin direnean, detailetxoekin jarri naiz, kasu honetan ingurua errotulagailu permanentez errepasatu egin det.
Eta hemen da lan honen emaitza. Vintage estiloko josketa kutxa!

Hau izan da gaurkoa ba.
Ze iruditzen zaizue??  Polita? Zuen iritzia jakitea gustatuko litzaidake.

Hurrenarte!

Brownie azkarra

 

Kaixo berriro!

Gaurko honetan, festa eguna daukagunez, erraz eta azkar egiteko gutizi batekin nator. Txokolatezko brownie gozo batekin.

Oso, oso, oso azkar eta erraz egiten den errezeta da. Bol bat, molde bat, batidora , goilara eta labea , horiek dira behar ditugunak.

Hasiko gera:

Labea 180º tan  berotzen jarriko degu eta moldea gurinez igurtzi eta irineztatu .

Bol batean jartzen ditugu:

• kakao krema katilu bat
• bi arraultze
• hamar koilarakada irin

Orain batidora hartu eta dena ondo nahasi.
 Labean sartzen degu 30 minutuz.
Eta prest! Badugu gure brownia.
Ikusten dezutenez , ez dauka errezeta honek, inolako konplikaziorik.

Ondo ateratzen da beti. Konprobatua!

Gainetik txokolate urtua jartzen badiozue, mundiala geratuko zaizue ;-)
Hau da dena, ba, gaurkoz.
Animatu eta probatu eta kontaidazue!

Hurrenarte!

 

Paketatze polita fruta sareekin

Kaixo berriro!
Gaurkoan berriro patypeando blogeko paketatze polita proposamenean parte hartzera noa.
Hilabete honetan proposamena fruta sareekin eginiko paketatze polita.
Hemen ba nirea.
Patata eta tipulen sareak lortu ditut. Patatena dendan erositako patatekin etortzen dena da. Tipulena berriz, lanera ekartzen diguten tipula zakuen puska eder bat da.

 

Goraiza batzuk eta zelo apur bat eta bagoaz paketatzera.

Oraingo honetan txakolin botila bat, oparitarako bildu nahi nuen, eta hau izan da pausoz pausokoa

Lehenengo botila patata sarean barruan sartu eta bildu egin nuen goiko partean sareak zeukan ariarekin, begira:

Ondoren, sare laranjaren tira zabal bat artu eta erditik bildu egin det, beste sare puska batekin erditik lotuz lazo handi bat lortzeko.

Eta lazo handia botilaren lepoan lotu egin det  beste korapilo batekin.

Piskat xoxito geratzen denez, eta gainera botila gehiegi ikusten dela konturatua, sare laranjaren beste tira zabal bat hartu eta botilaren inguruan jarri det gorontza.

Ikusi:

 

Prest!
Badugu egina gaurko paketatzea.
Botila aurkeztu eta oparitzeko era original, polit eta merkea iruditzen zait
 Nahiko itxuroso gelditu da, ezta?.
Orain hilabete honetako  paketatze polita fruta sareekin parte hartzera noa. Pasa zaitezte handik besteen proposamenak ikustera!

Hurrenarte!

Urriko egutegia

Kaixo berriro!
Hemendik agertzen naiz presaka, hilabete honetarako egutegia ekartzera.
Konturatu gabe, urria iritsi zaigu, eta berandutxo nabil, baina hemen dezute.
Oraingo honetan inprimagarria da, txuri beltzean eta nire oso gertuko pertsona batek eskatu zidan bezalaxe, bertan idazteko tokiarekin.
Kontatuko didazue honelakoa edo ordenagailurakoa, digitala, nahiago dezuten.
Iruzkinetan nahi dezutena eskatu eta saiatuko naiz prestatzen.

Nire inprimagailu guztiak bezalaxe, pdf formatuan dago deskargatzeko prest.Eta nahi dezuten aina kopia egin daitezke.
Beti bezala egutegia lortzeko , deskargatu botoian klik egin eta beste leiho bat irekiko zaizue deskarga horria.
Hementxe dezute:

 Hau da dena ba, gaurkoz.
Atsegin baduzue, sarrera konpartitu zuen sareetan , jende gehiagok aukera izan dezan egutegia lortzeko.

Hurrenarte!

Kartoizko saskitxoa

Kaixo berriro!
Gaur umeentzako eskulantxo erraz eta polit batekin nator.
Kartoizko plater batekin eginiko saskitxo bat.
Laguntza handirik gabe umeak bakarrik egin dezakete , eta opari polit bat egiteko balio izango zaie, edo gelako txokoren bat apaintzeko, edo beraien gauzatxoak gordetzeko...
Ikus ditzagun behar ditugun materialak:

  Beti bezala, material gutxi eta erraz lortzekoak.

Orain ikus dezagun pausoz pausokoa:

Di-da batean egiten da, eta emaitza benetan polita da.
Guk plater urdinak erabili ditugu, baina edozein kartoizko platera erabili daiteke. Euroko dendatxoetan mila marrazki eta kolorezkoak aurkitu daitezke.

Hau izan da ba, dena gaurkoz.
Zuen iritzia utzi nahi baduzue, atsegin handiz hartuko det.
Hurrenarte!

Urtebeteentzako zerrenda inprimagarria

Kaixo berriro!
Gaurko honetan beste inprimagarri praktiko bat dakartzat.
Lantokian lankide batekin berriketan ari ginala, talde guztiaren urtebetetzeak noiz ziran komentatzen egon eta gero, zerrenda bat egiteko beharra nabaritu degu eta koadernoko paper baten idatzi beharrean zerrenda polit bat diseinatzea bururatu egin zait.
Pentsatu  eta egin.

Eta hemen partekatzen det zuekin , atsegin badezute zuentzat ere hartu dezazuen.
Beti bezala pdf. formatuan dago, eta behin artxiboa deskargatua dezutenean nahi aina bider inprimatu al duzue.
Deskargatzeko ondorengo botoiaren gainean klik egin eta beste leiho batean irekiko zaizue deskarga  horria.

Ba hauxe izan da dena gaurkoan. Zuen gustukoa izatea espero det.

Zuen iritzia utzi nahi badezue, atsegin handiz hartuko det.

Hurrenarte!