Espelta eta limoizko gailetak

Kaixo berriro!!!

Hementxe  gaude bueltan.

Gaurko honetan, errezeta erraz batekin ausartu gera. Etxeko txikiekin egiteko aproposa da, eta gure laguntza txiki bat besterik ez dute behar izango gaileta gozo hauek egiteko.

Azken aldi honetan, Alaitz nire laguntzaile eta ilobak, garirik gabeko dieta egiten ari da eta horregatik beste zerealak erabiltzen ikasten ari gera, horregatik oraingo honetan era honetako gailetan errezeten bila ibili egin gara.

Asko bilatu eta probatu ondoren, azkenean, gure gustukoena webos fritos webgunean aurkitu egin degu errezeta hau izan da.

Errezeta hori jarraituz, hauek gure gailetak.......

OSAGAIAK:

Espelta irin 250 g (irin arruntagatik ordezka dezakezu)
Azukre 110 g
Gurin 120 g
Gatz-apur 1
Esne-gain 50 g
2 arrautza-gorringo

Glasatzerako:
Glas azukre 150 g
Zukua ½ limoi handia
Limoi bateko birrindura



Hasi gaitezen orain gailetak egiten....

Asteko, labea 180º tan berotzen jarriko degu.
Orain gailetan masa egiteko behar degu osagaiak pisatu eta nahastu egingo ditugu kontu handiz, errezeta originala jarraituz.
Gurina, gatza eta azukrea nahasi egingo ditugu lehenengo.
Ondo nahastu ditugunean, gorringoak eta esnegaina jarri eta nahasten jarraituko degu.

Nahasketa horri, orain irina jarriko diogu eta berriro ere nahasiko degu. oraingoan eskuekin ere lagunduko gera. Orea egina egongo da, gorputza hartu egin duenean. Nahiko itsaskorra gelditzen da, baina erraz manaiatu daiteke.

Orain gailetak osatuko ditugu.
Guk bi goiarekin lagundu egin gera, bolatxoak egiteko. Txikiak egin behar dira, labean zabaldu egiten bai dira.
Bolatxoak bandejan dauzkagunean labean sartzeko ordua iritsi da. 14 minutu izan ditugu gutxi gora behera. Baina errezeta originalean dion bezala begia gainean izan behar da 12 garren minututik aurrera, badaezpada ere.

Gailetak labean dauden bitartean, glasa egiteko garaia da. Glasa, gaileten gainetik jarriko degun nahasketa da.
Horretarako, limoia ondo garbituko degu, eta azala birrindu egingo degu kontu handiz, alde horia bakarrik erabiliaz.
Ondoren, limoi zukua egingo degu. Eta zuku hau glas azukrearekin nahasi  egingo degu.
Orain gailetak labetik irten arte gordeko degu.

Gailetak labetik atera ditugunean, hozten utziko ditugu, eta epelak daudenean glasa eta limoi birrindura gainetik jarri, eta ondo hoztu arte itxoingo degu , gailetak jaten hasteko.

Hori nahiko pazientzia baldin badaukazue, ze guk lehenengo aldian ez genuen batere pazientzia izan eta gailetak epel zeudenean jaten hasi ginan.....

Epelak oraindik, oso goxoak zeuden, baina onartu behar degu, goxoagoak zeudela , behin ondo hoztu zirenean.


Orain zuen txanda, ausartu eta gailetak egiten hasi......ikusiko dezute ze bizioa.....


Hurenarte!

Urrirako egutegia

Kaixo berriro!!

Hementxe gaude bueltan, datorren hilabeterako egutegia zuekin partekatzera.

Udazkena sartu berria daukagun honetan, hosto eroriez eta kolore hori marroiekin egin degu, ea zuen gustukoa den.

Hemen azpiko irudian ikus dezakezue nola geratzen den...

Beti bezala JPG formatuan dago, zuek nahi dezuten tamainan inprima dezazuen.
Nola egin hori....ba, oso erraz. Hemen azpian deskarga botoian klikatu ezkero, beste leihotxo bat irekiko zaizue eta bertan deskargatzeari eman eta zuena izango da.

Zuen gustukoa bada,zuen sareetan partekatzen baduzue, eskertuko dizuet, horrela jende gehiagorengana iritsiko bai da.

Ba hau izan da dena  gaurkoz!!

Hurrenarte!!

Irudien transferentzia azetonarekin

Kaixo berriro!!

Zer moduz hasi duzue iraila?. Gu nahiko  ondo hasi dugula esan behar degu.
Eskolara bueltatzeko irrikitan lagun guztiak berriro ikusteko.
Gainera errutina pixka baten beharrean ere geuden.

Ea hasi berri den kurtso berri honetan ere astero hemendik pasatzeko maiztasuna mantentzea lortzen degun.

Gaur ekartzen degu lana, aspaldi probatu nahi genuen teknika batekin egina dago. Little kimono blogean ikusi genuenetik egia esan (hemen klikatu ezkero bere tutoriala ikus dezakezue).
Ba, Jen-en tutoriala ikusi eta gero, guri probatzeko gogoa jarri zitzaigun, eta uda honetan denbora izan degunez saiatu egin gera, eta hau da guk egin deguna.


Lehenengo materialak.......

Egurrezko kutxatxoa.
Azetona, noski. (azkazaletako margoa kentzeko erabiltzen dena)
Irudien fotokopiak.
Kotoi diskak.




Goazen orain gure pausoz-pausokoarekin....

Egingo degun lehenengo gauza, irudiak nun kokatu nahi ditugun erabakitzea izango da.
Eta ondoren, irudiak buruz bera, bere tokian kokaturik utziko ditugu.

Orain, kotoi diska bat hartu, eta azetonarekin bustiko degu. Ondo bustita. eta kotoia poliki poliki irudien gainetik kontu handiz pasatuko degu.
Pauso honetan, Jen, bere tutorialean koilara batez lagundu egiten da, baina guk oraingo honetan ez degu erabili behar izan.
Behin irudia ondo busti egin degunean, pixkat itxoin eta kontu handiz kendu egingo degu egurrean gainetik
Prest. Irudi transferentzia egina degu.

Gu, ikusten dezuten bezalaxe, irudia txuri beltzean aukeratu eta transferitu genuen, baina koloreduna ere egin daiteke eta oso emaitza ederrak lortu.
Beno, ba txuri beltzean egin eta gero, nahiko sinplea geratu zitzaigula ikusirik, kolore pixkat ematea  bururatu egin zitzaigun, ikusi...

Errotulagailuak hartu, eta irudia koloreztatu egin genuen, eta horrela bizi piskat eman egin genion.

Hau izan da ba, gure teknika honen lehengo saiakera, eta ez da azkena izango.
Hori, bai, hurrengoan irudia kolore eta bizi gehiagorekin aukeratu egingo degu!!


Hurrenarte!!

Paketatze polita: boligrafoak biltzen

Kaixo berriro!!

Hementxe gaude bueltan, eta oraingoan pentsatuta genuena baino egun bat lehenago.
Hau honela izan da, guk estima handia diogun erronka bat itzuli egin delako, eta bertara garaiz iristeko, gure ohiko bihurtzen ari den publikatzeko eguna (astelehena) aurreratu egin degu.

Ba hori, guri hain beste gustatzen zaigun Paketatze Polita itzuli egin dela.
Gure lagun Patypeando-ko Patryk, erronkari bueltatxo bat eman eta berriro martxan jartzea bururatu zaio eta gu, inolako dudarik gabe, berriro ere bertan parte hartzea erabaki degu.

Oraingo etapa honetan paketatze politak egiten jarraituko degu, baina berak materialak proposatu beharrean, bildu egin behar diren gauzak proposatuko dizkigu.

Etapa berrian bildu beharreko lehenengo gauza boligrafoak izan dira, eta hau gure  proposamena:


Guk kutxa polit bat sortu degu boligrafoak biltzeko eta hauek dira erabili egin ditugun materialak....

Kartulina karratu bat, edozein kolore eta marrazkiduna, bakoitzaren gustuen arabera...
Erregela, kola goraizak eta arkatz bat.
Gutxi eta eskura erraz izan ditzakegunak.



Hasi gaitezen....

Lehenengo kutxaren forma kartulinan markatu egin beharko degu. Horretarako erregela hartu eta kartulinaren lau aldetan marra bat egingo degu irudietan ikusten den bezalaxe. Kontuan hartu behar den gauza bakarra, erdian geratzen zaigun karratuan, gure boligrafoak sartzen direla da.

Orain aldeetako bat, goian daukan markaraino tolestuko degu eta tolesdura ere markatuko degu arkatzarekin.
Beste aldean gauza bera egingo degu. Hau da bi aldiz egingo degu tolesdura eta marka.
Orain bazterretan geratu zaigun marka guztietan mozten hasiko gera, irudietan ikus dezuten bezala.

Mozketa guztiak, goiko irudi hauetan bezala geratu egin behar dira. Eta orain aldeak pegatzen hasiko gera, gure paketea izango den kutxa lortzeko.

Lehengo behealdea izango dena egingo degu, horretarako sortu egin ditugun lehengo lau solapatxoak barrura pegatuko ditugu.
Ondoren goikaldean bi solapatxo geratuko zaizkigu eta hauek ere barrura pegatuz gure kutxaren tapa sortzea lortuko degu.
Argiago ikus dezakezue youtuben aurkitu egin degun bideo honetan, ikusi.....

Ba, pauso guzti hauek jarraitu ondoren, lortu egin degu gure opari kutxa. Orain bertan gure boligrafoak sartzea besterik ez zaigu geratzen.

Guk gainera artilezko ari batekin lagunduta ondo lotu egin degu paketetxo antza artu dezan, baina hori bakoitzaren gustuaren arabera egin daiteke, pegatinaren bat itsatsiz edo etiketaren bat jarriaz....

Eta hau izan da, gure lehenengo proposamena etapa berri honetako #PaketatzePolita- rako.
Orain Patypeandora goaz azkar batean gure proposamena uztera eta beste proposamen guztiak ikustera.
Handik pasa zuek ere guztiak ikustera, eta gustukoa baduzue gure alde bozkatzera!

Ba hu izan da dena gaurkoz!

Hurrenarte!!

Eskola ordutegia

Kaixo berriro!!

 Aste honetan ere itzuli gera, badirudi gure konpromezua betetzen ari garela.

Oraingo honetan inprimagarri batekin gatoz.

Iraila iritsi berria  dago, eta eskolara bueltatzeko garaia iritsiko zaigu. Horregatik kurtso berrirako , eskola ordutegi bat egin degu eta zuekin partekatu nahi degu.

Hemen azpiko irudian ikusi dezakezue nolakoa dan.
Egutegiak bezala JPG formatuan dago gordeta, zuek nahi dezuten tamainan inprimatu ahal izan dezazuen.

Orain datorrena ezagutzen dezute. Egutegiekin bezalaxe, zuen gustukoa baldin bada, eta zuentzako nahi baduzue azpiko deskarga botoian klikatu besterik ez dezute behar.
Bertan klikatu ezkero eta beste leiho bat irekiko zaizue eta handi nahi dezuten aina bider deskargatu ahal izango dezute.

 

Ba hau da dena gaurkoz.

Hurrenarte!!

Irailerako egutegia

Kaixo berriro!

Oraingo honetan sartu irten azkar bat, datorren hilabeterako egutegia zuekin partekatzeko.
 
 Hemen azpian ikus dezakezue nola geratzen dan behin inprimatua.

Nik, honezkero, erabiltzen hasi naiz kurtrso berriko  lanak eta blogeko programazioa antolatzen asteko.

 Beti bezala JPEG. formatuan dago, zuek nahi dezuten tamainan inprima dezazuen.
Badakizue, egutegia zuentzat nahi izan ezkero, hemen azpian deskarga botoian klikatu eta beste leiho bat irekiko zaizue, bertan deskargatzeari eman eta zuen ordenagailuetan izango dezute inprimatzeko prest.

Ba hau izan da dena gaurkoz.

Nahi baduzue zuen sareetan sarrera hau konpartitu eta horrela jende gehiagorengana iritsiko da euskaraz egindako inprimagarri hau.

Hurrenarte!

Errotulagailuak gordetzeko kawaii kapsula

Kaixo berriro!!


Hementxe gaude aste bat gehiago zuekin gure eskulanetako bat partekatzen.
Oraingo honetan, gure txikiek beraiek bakarrik, oso laguntza gutxirekin, egin dezaketen lantxo bat ekartzen degu.

Errotulagailuak, margoak edo pintzelak gordetzeko erabili daitekeen kapsula kawaii bat egin degu.
Gainera birziklai lana ere bada, etxean genituen periodiko zaharrak eta komuneko tutuak erabili egin bai ditugu gure lanerako.
Ikusi hemen azpian behar izan ditugun material sorta osoa...

Egunkari zaharrak
Kartoizko tutuak
Puxika txikiak
Katilu bat urarekin
Margo txuria, edo nahi dezuten koloretakoa
Seda paper pixkat
Kola, goraizak, errotulagailu bat eta pintzela.


Goazen ba, pausoz pausozkoarekin.....

Hasteko, puxikak puztu egingo ditugu eta tutuetako bien barruan sartuko ditu irudian ikusten dezuten bezala.

Orain, katiluan ura eta kola nahasiko ditugu. Erdia eta erdia.
Periodiko zaharra hartu eta puska txikiak egingo ditugu.

Orain, periodiko puskak hartu eta kola nahasketan sartu eta beraiekin gure tutuak eta puxikak estali egingo ditu goitik behera.
Lehortzen utziko ditugu.

Hirugarren tutu batetik puska bat moztuko degu eta gure hasierako tutuetako baten barruan sartu eta pegatuko degu. Irudietan ikusten da ondo nola geratu behar dan.
Honek, kapsula ondo  isteko balioko digu.

Bi tutuak ondo lehortu egin direnean, gogor xamarrak gelditu egin dira, eta honezkero izango dute kapsula baten itxura.
Orain kapsularen bi aldeak apainduko ditugu.
Goiko partea seda paper puskak itsatsirik apainduko degu.
Beheko partea margo txuriz estaliko degu.
Berriro ere, lehortu arte itxarongo degu.

Ondo lehorrak ditugunean, errotulagailuz kawaii tokea emango diogu begitxoak eta ahoa margotuz.
Guk interneten aurkitu ditugu kawaii begitxoen ereduak eta bat kopiatu degu.

Eta prest! badugu gure kawaii kapsula bukatua.

Orain gure errotulagailuak barruan sartzea besterik ez zaigu geratzen.



Ba hau izanda dena gaurkoz, zuena egitera animatu  orain!

Hurrenarte!