Paketatze Polita: diztiraz betea

Kaixo berriro:

Hemendik agertzen gera berriro ere, denbora asko pasa ondoren, Patypeando-k antolatzen duen urte honetako azken paketatze polita erronkarako gure proposamena zuekin partekatzera.

Oraingo honetan, paketea diztiraz bete egin behar genuen, eta hau izan da baldintza hori beteaz,  guri bururatu egin zaiguna.

Hauek izan dira erabili egin ditugun materialak:

Kartulina beltza. Din A 4 tamainakoa.
Erregela
Arkatza
Goraizak
Kola, guk barrakoa erabili degu
Elur maluta distiratsuak. Auzoko bazar batean erosi ditugu .
Zinta distiratsua. Etxean genuen baina edozein paper dendetan aurki dezakegu.


Goazen orain pausoz pausozkoarekin:

Lehenengo eta behin, erregelaz lagunduta kartulinaren lau aldetan arkatzarekin erregelaren tamainako lau marra egingo ditugu.

Orain kartulina azpitik artu eta goiko markaraino tolestuko degu eta ondoren beste aldetik gauza bera egingo degu.
Eskuin eta ezker aldeetan geratuko zaizkigun marketatik kontuz moztuko degu irudian ikusten den bezala

Lortu ditugun solapatxoak kolaz pegatuz, lehenengo behealdea eta ondoren tapa sortuz, kutxa bat osatuko degu.
 Kutxa nola egiten den argiago ikusi nahi baduzue hemen klikatu .

Honezkero opari bat sartzeko kutxa egitea lortu degu, orain diztira jarriko diogu paketeari.

Elur maluta distiratsuak artu eta kolarekin lagunduta banan bana kutxan pegatuko ditugu gure gustuko diseinua lortu arte..

Elur maluta guztiak pegatzen duen kola guztia lehortu denean, oparia (gure kasuan galtzetin batzuk) barruan sartu eta zinta distiratsuarekin bildu eta lazo polit bat egingo degu.

Eta hau da gure proposamena urte honetako azken  #paketatze polita erronkan parte hartzeko.
Orain gure pakete distiratsua hartu eta Patypeandora goaz, pasa zaitezte zuek ere beste proposamen guztiak ikustera, eta gurea gogoko baduzue gure alde bozkatzera.

Ba hau izan da dena gaurkoz.
Laster itzuliko garelakoan
Hurren arte!