Koloreztatzeko orri-markagailuak 2

 





Kaixo berriro!

Gaurkoan beste koloreztatzeko orri-markagailu sorta bat zuekin partekatzera gatoz.

Orain dela egun batzuk guretzat prestatu egin genituen orri markagailuak asko atsegin ditugulako, eta hauek koloreztatzen ari ginela, instagrametik argazki bat publikatu egin genuen.

Batzuen interesa piztu egin zela ikusiaz, han bertan, galdeketa txiki bat egin ondoren, blogean deskargatzeko prest uztea erabaki genuen eta hementxe dauzkazue.






Azkenekoan egin genuen bezala, hiru modelo desberdin prestatu egin ditugu, eta orrialde batean elkarrekin jarri ditugu hirurak batera deskarga al ditzazuen





Behin deskargatuak inprimatu, moztu eta koloreztatu besterik ez duzue.

 

 


 


Deskargatzeko beti bezala, azpiko deskarga botoian klikatuz zuenak izango dira.






Joan dan urtean prestatu genituenak ere lortu nahi dituzuela , ba  HEMEN klikatu .

Eta super politak geratu egin zaizkizuela koloreztatu ondoren eta plastifikatu nahi dituzuela, ba HEMEN klikatuz etxean eta oso erraz nola egin kontatzen dizuegu.


Hau da dena gaurkoz.

Hurren arte!



Paketatze polita: euria


 




Kaixo berriro!


Iritxi da hilabete honetako Patypeando blogak antolatzen duen #paketatzepolita erronkarako gure proposamena aurkezteko eguna.

Hilabete honetan paketatzearen protagonista, euria da. Apirilean gaude eta erdarazko easerak dion bezala "en abril aguas mil", eta hortatik gaurko gaia.

Buelta asko eman dizkiogu gaiari, eta oraingoan ere kostatu egin  zaigu nola prestatu behar genuen erabakitzea.

Froga pare bat egin eta gero honako hau izan da gehien gustatu zaiguna. Etxeko txikiak prestatzeko erraza delako, eta berriro ere birziklapenean ohitzeko aproposa iruditzen zaigulako.

Hauek erabili egin ditugun material sorta:






Periodiko zahar baten horriak

Kartulina puska bat. Guk kasu honetan beltza erabili dugu.

Kola. Barrrakoa oraingoan.

Zelo.

Arkatza, Errotulagailu beltz bat. Koloretako margoak.

Goraizak.



Hasi gaitezen paketea prestatzen:






Lehenengo pausua, oparia periodiko orriarekin biltzea izango da. Gure oparia txikia denez, orrialde bakarrarekin nahiko izan dugu. Baina handia baldin bada bildu beharrekoa, behar aina orrialde zeloz elkartuz egin dezakegu ere.






Karutlinaren txanda orain.Irudietan ikus dezakezuen bezala, lehengo kartulina puska erditik tolestu dugu txartela bat osa dezan, geroago barruan mezutxo bat jartzeko.

 Kartulina hartu eta paketearen gainean jarriz, zein tamainako txartela egin nahi diogun erabaki eta tamaina horretan moztuko dugu.

 

 


 



Txartela euriz jantziko dugu orain, ondoren paketeren apaingarri bihurtu dadin.

Horretarako, periodiko paper gehiago hartu eta bertan hodei bat eta euri tanta batzuk marraztu eta moztuko ditugu. Irudi hauetan ikusten ez den arren, aterki bat ere marraztu eta moztu dugu.






Irudi guztiak moztu ditugunean, errotulagailuz inguratuko ditugu eta margoekin kolore pixka bat emango diegu.






Kolorea dutenean, irudiak kartulinaren gainean pegatuko ditugu kolaren laguntzaz.






Txartelari errematea emateko, periodiko paperarekin tiratxo batzuk egin eta marko itxura emanez pegatuko ditugu gure hodei, euri tanta eta aterkia inguratuz.






Txartelaren barruko mezuaren txanda. Guk periodiko paperean Zorionak hitza idatzi eta moztu egin dugu eta ondoren txartelaren barrualdean pegatu egin dugu.

Pauso hau bakoitzaren gustu edo beharren arabera egin daiteke. Guk hitz bakarra jarri diogu, baina mezu luzea edo  gutun bat  ere jarri daitezke.






Azkenik eta paketea bukatzeko. Zelo apur baten laguntzaz,  gure txartel euriduna paketearen gaineko aldean pegatuko dugu. Eta txartelaren inguruari kolore pixkat emango diogu.


Eta prest, gure pakete euritsua prest izango dugu.






Orain eta hilabetero bezala, #paketatzepolita erronkaren zitara eramango dugu gure proposamen hau.

Handik pasatzera gonbidatzen zaituztegu, eta gure proposamena gustuko baduzue gure alde bozkatzera.


Hau izan da dena gaurkoz.

Hurren arte!



Kartoizko pazko arrautzen girlanda

 





Kaixo berriro !

Gaurko honetan, pazko oporrak gainean dauzkagula, etxeko txikiekin egiteko eskulan azkar bat ekartzen dizuegu.

Oraingoan kartoizko kutxa bat birziklatzen pazko arrautza batzuk egingo ditugu eta hauekin gure etxeko txokoren bat apaintzeko girlanda bat osatuko dugu. 

Oso erraz egiten den lana, eta oporretako arratsalde entretenigarri ba.t pasatzeko baliagarria izan daitekeena.

Hauek erabili ditugun materialak:
 
 
 

 



Kartoizko kutxa bat. Guk izozkien kutxa bat erabili egin dugu oraingoan.
Papera eta arkatza
Tenperak. Edo etxetik dauzkagun margoak.
Pintzelak 
Ura. Pintzelak garbitzeko.
Goraizak.
Orratz eta haria.
 
 
 
Pausoz-pausozkoarekin hasiko gara.
 
 
 

 

Papera eta arkatza hartu eta arrautza bat marraztu eta ondoren moztuko dugu. Honekin gure girlanda osatuko duten kartoizko arrautzen txantiloa egingo dugu.
Marrazten ez bagara oso abilak edo erosoagoa egiten bazaigu, irudia internetetik ere jaitsi dezakegu.









Behin gure arrautzen txantilo edo plantilla daukagula, kartoizko kutxa ireki eta bertan nahi aina arrautza marraztuko ditugu. guk dozena erdi bat egin ditugu, baina kantitatea bakoitzak nahi duen bezala egin dezake.
Kartoian marraztuak dauzkagunean goraizekin moztuko ditugu arrautzak. 








Orain parterik dibertigarriena dator. Margoketa. Gure tenpera eta pintzelak hartu eta kolorea emango diogu arrautzei. Oinarrizko kolore bat eman diogu guk lehenengo eta gainean beste koloreekin irudi diferenteak egin dizkiogu.
Pauso hau ere bakoitzak nahi duen eran egin dezake.
 
 
 
 

 



Arrautza guztiak margotu ditugunean, margoa lehortzen utzi eta lehorrak daudenean, orratza eta haria hartu eta gure girlanda osatuko dugu.
 
 
 
 





Orain gure girlanda hartu, eta nahi dugun txoko apaindu dezakegu.
Guk goiko irudietan ideia pare bat eskaintzen dizuegu.
Orain zuen txanda. Animatu eta bat egitera gonbidatzen zaituztegu.


Ba hau izan da dena gaurkoz.
 
Hurren arte!
 


Apirilak 2021- rako egutegia

 




Kaixo berriro!

Hementxe nator korrika batean, berehala sartzear dagoen Apirilerako egutegi inprimagarria zuekin partekatzera.

Aurtengo egutegiak bezala, kolore apur batekin egina dago, zuen gustukoa izango delakoan.

Hemen azpiko irudi honetan, ikus dezakezue nola geratzen den:






Egutegia lortzeko, azpiko deskarga botoian klikatu eta irekitzen zaizuen leiho berritik deskargatu besterik ez duzue.



Inprimagarri hau ere, jpg formatuan dago, nahi duzuen tamainan inprima dezazuen.

Zuen gustukoa bada, eta beste norbaitentzat interesgarria izan daitekeela uste baduzue, partekatu ezazue lasai post hau. Guk jende gehiagori iristea eskertuko dugu.

 

 

Ba  hau izan da dena gaurkoz

Hurren arte!


 



Oihalezko musukoa birziklatuz egindako diru-zorroa

 





Kaixo berriro!

Denbora txiki baten ondoren, hementxe gaude bueltan, zuekin beste esku lan errez bat partekatzeko,

Berziklatuz sortzea gure blog txiki honako filosofietako bat dela badakizue denok eta gaurko eskulana filosofia horretara oso lotuta dago.

Igarotzen ari garen garai latz hauetan derrigorrezkoa dugu musukoa edo maskar erabiltzea. Eta gu, erabilpen bakarrekoak ez erabiltzen saiatzen gera, eta oihalezko maskara edo musukoak erabiltzen ditugu denbora gehienean.

Baina hauek ere ez dute bizi luzerik, beraz oihalezkoak direnez, musuko gisa ezin direnean erabili zein beste erabilpena eman diezaiokegun pentsatzen jarri gara, eta hau izan da guri bururatu egin zaigun lehengo ideia.

Diru zorro bat egin dugu gure musukoarekin. Eta gaurkoan nola egin dugun kontatuko dizuegu.

Hasteko, zer behar dugun ikusiko ditugu:





Oihalezko musukoa, noski.

Haria eta orratza.

Goraizak.

Metalezko itxilekua. Guk gurea, auzoko bazarrean erosi dugu. Oso merke. Tamaina jakiteko gure musukoa gomak dauzkan tokiaren neurria kontuan eduki behar dugu.



Behin materialak dauzkagunean, birziklapenarekin hasiko gera:






Lehenengo egingo duguna, musukoari gomak kentzea izango da. Korapiloa askatuz edo goraizekin lagunduta, goma moztuz.

Badaezpada, itxilekua tamaina aproposkoa dela berriro konprobatuko dugu.





Musukoaren forma aprobetxatuko dugu gure diru zorroa egiteko. Erditik tolestu, eta buelta emango diogu, barrukoa izango den aldea kanpoan utziz, bazterrak josteko.

Iruditan ikus dezakezuen bezala itxilekua gainean jarri diogu, nondik nora josi behar dugun jakiteko.

Erraz eta denbora gutxian egiten den pausoa da. Etxeko txikiak orratza erabiltzen badakite, beraiek egiteko aproposa da.

Diru zorroaren gorputza egina dugunez. Honi buelta eman eta kanpoko aldea agerian utziko dugu.




Orain pausorik zailena dator, naiz eta ez oso zaila izan. 

Metalezko itxi lekua hartu eta zorroaren ahoan josiko diogu kontu handiz. Orratz eta haria dakarren zuloetatik josiko diogu diru zorroari.






Prest!. Badugu gure diru zorroa egina. Eta honela beste bizitza luze bat emango diogu gure oihalezko musuko edo maskarari.





Orain diruz bete, edo guk nahi duguna barruan sartu eta erabili besterik ez zaigu geratzen.

Gure ideia hau zer iruditzen zaizuen jakitea gustatuko litzaiguke. Horretarako,nahi baduzue, azpiko iruzkinetan utzi dezakezue zuen iritzia. 

Ahaztu baino lehen, gure ideia hau #berziklatuzsortzen,  Diydetodounpoco blogeko Annak antolatzen duen #reciclaycrea erronkara eramango dugu. Handik pasatzera gonbidatzen zaituztegu aurkeztuko diren birziklapen ideia guztiak ikustera. 

Ba hau izan da dena gaurkoz.

Hurren arte!






Aitaren egunerako Paketatze polita

 





Kaixo berriro!


Iritxi  da hilabete honetako #paketatzepolita erronkarako gure proposamena aurkezteko eguna.

Dakizuenez, gure lagun Patypeando bloga-k antolatzen duen erronka honetan gai edo material bati lotutako paketatzeak prestatu egin behar dira.

Hilabete honetarako gaia aita edo aitaren eguna izan da. Naiz eta erraza zela pentsatu, zer eta nola egin erabakitzea kostatu egin zaigu guri behintzat.

Azkenean, buelta asko eman ondoren hau izan da guri bururatu egin zaiguna. Paketatze erraz, sinple eta garbi bat.

Hauek erabili egin ditugun material sorta:

 

 

 




Folio txuriak, oparia biltzeko aina.

Zinta beltza.

Egurrrezko bolatxoak. Koilareak eta abar egiteko balio dutenak. 

Errotulagailu pare bat. Kasu honetan beltza eta gorria.

Goraizak, zelo pixkat eta barrako kola.


Materialak prest ditugunean, paketatzearekin hastera goaz:





Oparia biltzeko aina folio hartu eta bata bestearekin pegatuko ditugu. Behin behar dugun tamainako papera dugunean, oparia bilduko dugu bertan.

 

Apaingarriekin hastera goaz...






Egurrezko bolatxoak hartu eta bertan idazten hasiko gera. Guk aita hitza idatzi dugu, baina aitaren izena era idatzi daiteke. Bakoitzaren gustu edo ohituraren arabera.

Azkeneko bolatxoan bihotz gorri bat marraztu egin dugu.






Zinta hartu eta paperarekin bildu dugun oparia apaintzeko behar dugun luzera moztuko dugu.

Ondoren eta zeloarekin mutur bat helduko diogu zinta bolatxoen barrutik pasatzen laguntzeko.






Zinta bolatxo guztietatik sartuko dugu, esan bezala, aukeratu degun hitza osatuz.

Zintarekin oparia inguratu,  aurreko aldean izena edo hitza jarriaz,eta goiko aldean korapilo eta lazo bat eginez lotuko dugu. Irudietan ikusten duzuen bezalaxe.

Prest. Badugu gure paketatzea osatua.






Espero dugu asmatu izana, bai opariarekin baita paketatzearekin ere.

Orain gure proposamen hau, hilabetero bezala, #paketatzepolita festara eramango dugu. Handik pasatzera gonbidatzen zaituztegu aurkezten diren paketatze guztiak ikustera eta gurea zuen gustukoa baldin bada, gure alde bozkatzera.

 

Aitaren eguneko oparien ideien bila bazabliltzate, pare bat uzten dikizuet hemen.

Aitaren eguneko kupoi inprimagariak

Aitaren eguneko diploma edo postala.


Hauxe ba guztia gaurkoz.

Hurren arte!





Martxoak 2021-rako egutegia

 



Kaixo berriro!

 

Azken aldi honetan, lanaz gainezka nabilenez hemendik gutxi pasatzen ari naiz, baina maizago pasatzeko nire agenda antolatzeko lanetan ari naizela esan nahi dizuet. 

Bitartean, sartu irten azkar hau egiten dut gaur, datorren hilabeteko egutegia zuekin partekatzeko.

Aurtengo guztiak bezala, kolore pixka batekin dator, hemen azpiko irudian hobeto ikusiko duzue:





Zen gustukoa baldin bada, badakizue. Beti bezala azpiko deskarga botoian klikatuz zuena izango da.

JPG formatuan dago, hau ere, nahi duzuen tamainan inprima dezazuen.






Ba hau izan da dena gaurkoz. 

Hurren arte!