Urtarrilak 2021rako egutegia

 

Kaixo berriro!

Urte Berria hasteko bi egun falta direla, hilabeteroko egutegi berria zuekin partekatzera nator azkar batean.

Oraingo honetan, hilabete bakoitzeko orrialdeak, kolore apur batekin jantzi egin ditut. Espero dut hauek ere zuen gustukoak eta zuentzako baliagarriak izango direla.

Beti bezala hemen azpiko irudian ikus dezakezue nola geratu egin dan hilabete honakoa:

 

 

 

 

Zuen gustukoa baldin bada, badakizue, azpiko deskarga botoian klikatuz zuena izango da.

Aurten ere JPG formatuan utzi ditut, zuek nahi duzuen tamainan inprima ditzazuen.

Aurtengo egutegien diseinua zer iruditzen zaizuen kontatu nahi ba didazue, asko eskertuko dizuet. Horretarako hemen azpian iruzkin bat uztea besterik ez da behar.

Ba hau izan da guztia urte honetan.

Datorren urte hasieran bueltatuko gera berriro.

Urte Berri On denoi!!

#Eguberrizoriontsublogeroa-ren Galtzetin trukaketa.

 

 

 

 

Kaixo berriro!

Gaurko honetan ez ohizko post batekin gatoz.

Oraingo honetan, kontatu nahi dizuegu @patypeando -k antolatu duen beste jarduera batean parte hartu dugula. 

Urtero gabonak iristear daudenean gure lagun Patryk, Eguberri zoriontsu blogeroa antolatu egiten du. Jarduera honetan gabonetako lagun ezkutu moduko bat ospatzen dugu izena ematen dugun blogari lagunen artean. Azkeneneko bi urtetan galtzetin trukaketa egiten dugu, eta guk,  aurten jasotako  galtzetinak erakutsi nahi dizkizuegu.

Guri aurten Aseret Gaston blogeko Teresak bidali dizkigu galtzetinak, eta ezin gera alaiago egon. Asko gustatu zaizkigu gure galtzetinak, eta paketetxoan zetozen gutun, postal eta gozokiak ere bai. 

Hemen dauzkazuen irudietan ikus ditzakezue:

 

 

 

Gutun azala ere gabonetako irudiekin apainduta zetorren. Barruan zekarren gutun pertsonalean ze jartzen zuen ez dizuet kontatuko baina hitz politez josita zetorren, eta bere buruari buruzko informazioa zeukan papertxoa ere zekarren, eta postapolitez kontaktuan jarraitzeko onartzen dugun gonbidapena ere ekartzen zuen. Bere herrian tipikoak diren gozokiak bidali zizkigun beste gozoen artean.

Lehenago esan dizuedan bezala asko gustatu zitzaidan paketeak ekartzen zituen opari sorta guztia. Eta Galtzetinak ilusio berezia egin zidaten.

Galtzetinak gabon gaueko afaritarako estreinatu nituen ikusi:

 

 

 

Guk,galtzetinak, nori bidali dizkiogun  ezin dizuegu kontatu oraindik, jaso dituen ala ez ez bai dakigu.

Espero dugu jaso dituen blogari lagunak gustuko izan duela bai galtzetinak, baita bidali dizkiogun opari txiki sorta.

Abenduko paketatze politan erakutsi genuen paketatzea izan da bidali genion paketeetako bat. Bertan galtzetinak sartu geniolako.

Bere berri daukagunean, berrituko dugu post hau eta bidali dizkiogun oparitxoak erakutsiko ditugu.

Bitartean Patryren etxe birtualean utziko dugu post hau, trukaketaren beste parte hartzaileekin batera galtzerdi guztiak elkartu daitezen.

Ba besteri ez gaurkoz.

Hurren arte!

2021 urterako egutegia

 

Kaixo berriro!

Gaurko honetan, post motz batekin gatoz, urtero legez, sartzear dagoen urterako egutegia zuekin partekatzera.

Egutegi honetan, hilabete guztiak daude orrialde bakar batean.

Agendan edo koadernoan jartzeko aproposa tamaina txikian inprimatu ezkero adibidez.

Edo urte guztia begi-bistan izateko, A4 formatuan inprimatuz kortxoan jartzeko modukoa .

Hemen azpiko irudi honetan ikus dezakezue nola gelditzen dan

Zuen gustukoa baldin bada, badakizue zer egin, ezta?. Azpiko deskarga botoian klikatuz zuena izango da.

Beti bezala JPG formatuan dago zuek nahi duzuen tamainan deskarga dezazuen.

Ba hau izan da dena gaurkoz. 

Hurren arte!

Gabonetako Oreina

 

Kaixo berriro!

Gaurko honetan, La tienda del boton-eko lagunek bidalitako lagunekin egin dugun beste lan bat nola egin dugun kontatzera gatoz.

Kontatu egin genizuen bezala, gabonetako gaiarekin lotutako lanak eskatu dizkigute eta bigarren lan honetan zuhaitzean jartzeko orein bat egin dugu.

Normalean txikiek laguntza handirik gabe egiteko lanak ekartzen dizkizuegu, baina hau heldu baten laguntza apur bat beharko du. Gehien bat josketaren atalean, oraingo honetan pixkat josi egin behar bai da. 

Ea ba, hasi gaitezen erabili ditugun material sorta ikusten:

Botoiak, noski. Oraingoan botoi nakaratu gorri bat, bi botoi nakaratu eta perla moduko bi botoi beltz aukeratu egin ditugu genuen sortatik.

Feltro marroia.

Haria eta orratza.

Goraizak

Rotua edo edozein markagailu.

Txantilo bat. Hemen bi aukera, edo zuek oreinaren irudia marraztu edo guk egin dugun moduan interneten begiratu eta deskargatu. Gurea Niña Bonita blogean, Albak gabonetako belarritako batzuk egiteko tutorialean partekatu zuen hau erabili dugu.

Kotoia.  Gure apaingarriari gorputza emateko erabiliko duguna.

 

Goazen orain pausoz pausozkoarekin:

 

 

 

Lehenengo pausua, txantilo moduan erabiliko dugun irudia moztea izango da. Ondoren feltroaren gainean marraztu eta bi pieza moztuko ditugu. Guk feltroa bitan tolestu, orratzarekin biak lotu eta bi piezak batera  moztu ditugu. Ala ere banaka moztea , beste aukera bat da. 

Orain bietako bat hartu eta botoiak josten joango gera oreinaren aurpegia osatuz. Bi botoi nakaratuak begien oinarri jarri ditugu eta gainean bi botoitxo beltzak.

Sudur gorria egiteko botoi nakaratu gorria erabili dugu.

Alderik zailena orain (guretzat behitzat, orratzarekin ez gera oso abilak eta). Oreina osatzen duten bi piezak josteko garaia.

Bi pieza bata bestearen gainean jarriz, belarri batetik besteraino josiko ditugu elkarren artean. Guk festoi puntada erabili dugu.

Goiko alde korapilotsua (belarriak eta adarrak) josi ditugunean, barruan kotoia sartzen hasiko gera.

Kotoia adarretan eta belarrietan sartzeko goraiza edo markagailuarekin lagundu gaitezke. 

Goiko partean kotoia ondo sartu dugunean, behean kotoi gehiago jarri eta geratzen zaigun inguru guztia josten bukatuko dugu.

Azkenik, eta gure oreina zintzilikatu ahal izateko, feltrozko tira bat moztu eta lazo moduko bat eginiz atzeko partean josiko diogu.

Orain kanpotik geratu egin zaizkigun kotoi apurrak garituko dizkiogu gure oreinari, eta prest izango dugu zuhaitzetik zintzilikatzeko.

Zuen gustukoa bada, badakizue, animatu eta bat egin. Eta honelako botoi ikaragarriak nahi badiuzue La tienda del Boton-en webgunetik pasa eta bertan aurkitu ditzakezue. 

 

 

 

 

 

Hau da ba dena gaurkoz.

 

Hurren arte!

 

Neguko edo elurtutako Paketatze polita

 

Kaixo berriro!

Hementxe gaude bueltan, urte honetako azkeneko paketatze polita erronkarako gure proposamenarekin.

Oraingo honetan, Patypeando-ko Patryk neguko edo elurtutako paketatzea eskatu egin digu. Gai benetan polita eta aukera handiak dituena. Guri ikaragarri interesgarri iruditu zitzaigun, eta ideia mordo bat genituen prestatzeko prest, baina lan karga handitu egin zaigunez, azkenean proposamen azkar hau egin behar izan dugu.

Oso proposamen erraza da eta oso azkar egiten dela benetan esaten dizuegu.

Ikusi erabili ditugun materialak:

 

 

Elur maluta dun manteltxoa. Guk etxean genuen manteltxo sorta batetik hartutakoa.

Zinta beltza. Guk beltza aukeratu dugu, baina nahi duzuen koloretakoa izan daiteke

Goraizeak.

Orain errazagoa ezinezkoan den pausoz pausozko azkarra:

Lau pauso erraz. Manteltxoa hartu, gure opariaren neurrira egokitu goraizekin moztuz.

Oparia manteltxoan bildu eta zintarekin paketetxoa inguratu eta lazotxo polit bat eginez errematatu.

Eta prest!. Bukatu dugu gure neguko paketatze polita.

 

 Ba hau da gure proposamena hilabete honetarako . Orain azkar batean Patypeando blogera goaz, epea bukatu baino lehen, gure proposamena bertan uztera.

Handik pasatzera gonbidatzen zaituztegu, oraingoan ere, proposamen guztiak ikustera, eta gure zuen gustukoa baldin bada, gure alde bozkatzera.

Ha izan da ba dena gaurkoz.

Hurren arte!

 

 

Botoiekin egindako Gabonetako koroa

 

Kaixo berriro!

Hementxe gaude bueltan, gabonetako beste esku lan bat zuekin partekatzera.

Oraingo honetan protagonistak botoiak izango dira. La tienda del boton Iruñeko dendak bidalitako botoiekin egindako gabonetako koroa nola egin dugun kontatuko dizuegu.

La tienda del boton dendako lagunek, eskulanetako bloglari batzuk gonbidatu gaitu, beraiek aukeratu eta bidali dizkiguten botoiekin gabonetako eskulanak egitera. Eta gaurko hau da bidali dizkiguten botoi ederrekin bururatu egin zaigun lehenengo lana.

Eta azalpen guzti hauen ondoren, ikus ditzagun erabili ditugun material sorta guztia:

Botoiak, noski. Argazkian jaso ditugunetako batzuk ikusi ditzakezue.Hauen artetik batzuk bakarik erabili egin ditugu lan honetarako.

Alanbrea. Koroaren oinarria egiteko erabiliko dugu. 

Pinu hostoak. Guk gure etxe atzeko parketik hartutakoak. 

Zinta gorria.

Hari beltza.

Kola beroa, pistola eta guzti.

Hasi gaitezen pausoz pausozkoarekin:

Lehenengo egingo duguna, alanbrearekin koroaren oinarria egitea izango da. Horretarako eskuekin nahi dugun tamainako zirkulua osatuko dugu alanbrearekin.

Behin oinarria egin dugunean, pinu hostoak hari beltzarekin bertan lotzen hasiko gera.

 

 

 

Pinu hostoak, lotzen joango gera alanbrezko oinarri guztia estali arte. Guk zirkulu erdian pinu hostoak zentzu batean jarri ditugu eta beste erdian beste zentzuan. Iruditan ikusi daiteke argiago.

Ondoren zinta gorriarekin hasiko gera lanean.

Zinta gorriarekin hariarekin egindako loturak estaliko ditugu, korapilotxo apaingarri batzuk eginik. Eta azpian pinu hostoak gurutzatzen diren tokian lazotxo txiki bat egingo diogu. 

Gure lanaren protagonistak diren botoien txanda iritsi da. Gure lana apaintzeko botoiak aukeratu  eta kola beroaren laguntzaz koroan itsatsiko ditugu orain.

Guk egurrezko botoi ertain pare bat, botoi txiki nakaratu pare bat eta azkenik izar formako botoi nakaratu bat aukeratu ditugu lan honetarako.

Izarra lazoaren erdian jarri dugu protagonismo handiena izan dezan, eta besteak gabonetako bolatxoak izango bai liran koroa apaintzen jarri ditugu.

Koroa zintzilikatu ahal izateko, zinta hartu eta lazotxo handi bat lotu egin diogu goiko partean.

 

 

 

 

Eta honenbestez, gure koroa prest daukagu gure etxeko txokoren bat apaintzeko.

Guk, urtero, amonari apaingarri berri bat oparitzeko ohitura dugu eta aurten hauxe izango da amonaren etxera eramango duguna.

Hemendik eskerrak eman nahi dizkiet La tienda del boton-eko lagunei, honelako erronka politekin buruari astintzeko ematen digun aukerarengatik. Baita bidali dizkiguten botoi bilduma ederrengatik ere.

Hau izan da dena gaurkoz.

Hurrengoan, geratzen zaizkigun botoiekin bururatzen zaigun beste apaingarri batekin etorriko gera!