Paketatze Polita: Cupkakeak edo madalenak.

 

 

 

Kaixo berriro!

Hementxe gaude bueltan Patypeando  -k antolatzen duen Paketatze Polita erronkarako hilabete honetako gure proposamena aurkeztera.

Dakizuenez, erronka honetan paketatze politak prestatu egin behar ditugu parte hartzaileak, gai, objektu edo gauza bati lotuak. Hilabete honetan cupcake edo madalenak dira oparitarako bildu egin behar ditugunak. Eta hau guri bururatu egin zaigun #paketatzepolita.

Oraingo honetan, auzoko kafetegi batean eramateko kafea eskatu ondoren, kartoizko ontzia behin hutsik zegoela, buruko argitxoa piztu egin zitzaigun eta gure paketatzea egiteko aproposa zela erabaki genuen.

Hemen azpian erabili egin ditugun materialen zerrenda osoa duzue:

Kartoizko edalontzia tapa eta guzti.

Washi tape sorta.

Tiradera apaingarria ( armairu batzuen tiraderak aldatu genituenean, kristala ematen zuten hauek aurkitu genituen eta behar baino gehiago erosi ondoren gure lanetarako aproposak izango zirelakoan gordeta genituen)

Goraizak eta kola unibertsala.

Materialak eskura ditugunean, paketatzea prestatzen hasiko gera.

Beti bezala, lan erraza da hau eta etxeko txikiekin egiteko aproposa izan daitekeena.

 

Edalontzia barrutik ondo garbitu ondoren, Kanpotik nahi dugun washi tapearekin gure gustura apainduko dugu.

Gure kasuan koadrodun washi beltz bat eta bihotzdun beste bat konbinatuz egin dugu.

Edalontzia gure gustura apaindu dugunean, buelta eman eta ipurdian tiradera apaingarria kolaz itsatsiko diogu.

Kola ondo lehorra egon arte itxarongo dugu orain. Bitartean eta nahi izan ezkero, madalenak egin ditzakegu.

Edalontzia horrela, gure opariaren tapa bihurtu dugu, eta edalontziaren plastikozko tapa, orain, oparia jartzeko oinarria izango da.

 

Tiradera ondo itsatsia dugunean, edalontziaren taparen gainean gure madalena edo cupcakea bertan jarri, eta edalontzia esan bezala tapa moduan jarriz gure #paketatzepolita egina dugu.

 

 

 

Errazaz eta azkar egiten den paketatzea da eta gainera birziklatuz sortzen gure filosofia jarraituz . Guk oso pozik gaude gure sorkuntza honekin.

Orain #PaketatzePolita erronkako esteka festan utziko dugu lotua, eta bertatik pasatzera gonbidatzen zaituztegu aurkezten diren proposamen guztiak ikustera, eta gurea gustuko baduzue, gure alde bozkatzera.

Hau da dena gaurkoz.

Hurren arte!

Paketatze Polita aluminiozko ontzia eta feltoa erabiliz

 

Kaixo berriro!

Gaurkoan, blogera bueltan ekartzen ditugu paketatze polita erronkarako proposamenak.

Badakizuenez, erronka hau gure lagun @patypeando-k antolatzen du bere blogean. Bertan Patryk gai edo material bat edo batzuk ematen dizkigu, eta horrekin parte hartzaileak paketatze polit bat prestatu behar dugu.

Hilabete honetan, aluminiozko ontziak gehi feltroa erabiltzeko erronka bota digu Patryk eta hau da guri bururatu zaiguna material hori erabiltzeko.

Oraingoan, pazko garaiko goxoki eta txokolate batzuk oparitzeko untxi-poltsatxo bat egin dugu.

Hauek erabili egin ditugun material sorta guztia:

Aluminiozko ontzia, noski. Guk flan bateko ontzia berrerabili dugu flana jan ondoren.

Feltroa. Kasu honetan bi koloretakoa, txuria eta morea. Etxean genituenak ziran, beste lan batetik sobratutakoak.

Errotulagailu beltz bat.

Goraizak.

Kola beroa. Kola pistola eta guzti. Nahi izanez gero itsasgarri unibertsalen bat ere erabili daiteke.

 

Hasi gaitezen gure untxi-poltsa egiten.

 

 

 

Lehenengo egingo duguna, feltroa ontziaren inguruaren neurrira moztea izango da.

Ondoren eta kontu handiz ez erretzeko, kola beroarekin pegatuko dugu ontzianren inguruan.

Azkenik feltroa atzetik ere pegatuko dugu tutu bat osatuz. 

Egin dugun feltrozko tutuan, untxiaren belarriak marraztuko dizkiogu errotulagailuarekin, eta ondoren moztuko ditugu iruditan ikusten den bezala.

Sudurra eta biboteak egingo dizkiogu orain. Feltro txuriarekin sudurra eta feltro morearekin biboteak. Behin moztu egin ditugunean bata bestearen gainean pegatu eta gure untxiari jarriko dizkiogu.

Paketatzea ixteko feltrozko tira bat moztuko dugu orain.

Azkenik gure oparia untxiaren barruan sartu. (Kasu honetan gozoki eta txokolate batzuk.). 

Eta bukatzeko, belarrien hasieraren altueran moztu dugun azkeneko feltrozko tira jarri eta atzeko aldean korapilatuz, gure paketatzea bukatua izango dugu.

 

 

 

Prest, badugu hilabete honetako #paketatzepolita egina. Orain PATYPEANDO blogera goaz gure proposamen hau uztera. 

Aurkezten diren proposamen guztiak ikustera gonbidatzen zaituztegu, eta gurea gustuko baduzue, gure alde bozkatzera.

Hau izan da dena gaurkoz.

Hurren arte!

Paketatze polita: betaurrekoak biltzen

 

Kaixo berriro!

Iraila irisi den honetan, bueltatzen ari dira egunerokotasuna eta betiko errutinak eta ohiturak.

Gurean, dakizuenez, ohitura da hilabetero @patypeando-k antolatzen duen #paketatzepolita erronkan parte hartzea, eta abuztuko oporretatik bueltan erronka itzuli denez, gaurkoan hilabete honetarako  gure proposamena aurkeztera gatoz.

Irailean betaurrekoak biltzeko paketatzeak prestatu behar genituen eta hau izan da guri bururatu egin zaiguna.

Oraingoan ere, birziklapenari eta berrerabilpenari garrantzia emanez prestatu dugu gure proposamena.

Hauek erabili egin ditugun materialak, ikusi:

Maskarillak datozen plastikozko poltsak. Autoitxiera duten horietakoa. (Derrigorrez plastikozko poltsetan erosi egin behar direnez, bota beharrean beste erabilpenak bilatzen dizkiogu hemendik, eta kasu honetan gure paketatzea prestatzeko aproposak iruditu zaizkigu.)

Washi tapeak . Bakoitzaren gustuen arabera nahi ditugun guztiak.

Papera edo kartulina puska bat

Errotulagailua

Goraizak

Goazen ba gure paketatzea prestatzera..

 

 

 

Lehenengo egingo duguna, plastiko soberak kentzea izango da. Kasu honetan, autoitxieratik gora dakarren plastiko tiratxoa kenduko diogu, poltsa lehenengoz irekitzekoan puskatu egin behar den zati hori.

Orain washi tapea hartu eta nahi dugun diseinua osatuz, poltsaren gainean jarriko dugu bi aldeetatik.

Guk hilerak egin ditugu gure washiarekin.

Poltsa osoa ondo estali harte washiak jartzen joango gera. 

Washi-tape guztia jarri dugunean, paketea berez, bukatua izango dugu. Orain oparia, kasu honetan betaurrekoak, barruan sartu egingo ditugu.

Errematea emateko, kartulina edo paper puska bat hartuz opariaren hartzailearentzat txarteltxo bat egingo dugu.

Bertan mezu bat idatzi eta washiarkin pixkat apainduko dugu.

Eta prest!. gure paketatzea bukatu dugu:

Oso era sinple eta erraz batean, prestatu egin dugu paketatze polit bat opari bat egiteko, eta gainera etxetik genuena berrerabiliz eta birziklatuz.

Zer iruditzen zaizue gure ideia hau?. 

Guk oso gustura gaude prestatu dugun paketatze honekin eta ti-ta batean #paketatzepolita erronkaren etxera goaz  han uztera.

Bertatik pasatzera gonbidatzen zaituztegu aurkezten diren proposamen guztiak ikustera eta gurea gustukoa baduzue gure alde bozkatzera.

Ba au izan da dena gaurkoz.

Hurren arte!

 

Paketatze Polita: izozkiak

 

 

 

Kaixo berriro! 

Hementxe gaude bueltan, hilabete honetako #paketatzepolita erronkarako gure proposamena nola prestatu egin dugun zuekin partekatzeko.

Badakizuenez, gure lagun @patypeando-ko Patryk antolatzen duen erronka honetan, paketatzeak prestatu behar ditugu parte hartzaileak, gai edo material bati lotuak.

Hilabete honetako gaia izozkiak dira, eta hau izan da guri gai horri lotutako ideia.Barra izozki kortea irudikatu izan nahi dugu, eta lortu dugula uste dugu.

Nola egin dugun kontatzen hasteko, erabili egin ditugun materialak aurkeztuko dizuegu lehenengo:

Poxpolo kutxa. 

Pintura arroxa

Pintzela

Goraizak

Arkatza

Alde biko zinta itsaskorra

Gomaeba.

Goazen orain, pausoz-pausozkoarekin:

Lehenengo egingo duguna, poxpolo kutxa ireki eta beheko aldea barrutik eta kanpoko aldeko ingurutik arroxa kolorez margotzea izango da.

Poxpolo kutxa izozki pusketa irudikatuko du, eta gure izozkia marrubizkoa izango da, horregatik kolore arroxa aukeratu dugu.

Barruko kutxa lehortzen den bitartean, kutxaren kanpoko aldea hartu eta gomaebaren gainean jarri eta ingurua markatuko dugu bertan.

Markatutako irudiari margen txiki bat eman eta ingurutik moztuko dugu. Neurri berdineko bi gomaeba puska egingo ditugu.

Orain kutxaren kanpoko aldea hartu, eta hau ere aroxa kolorez margotuko dugu. 

Alde batean lehortzen utziko dugu ere.

Gomaebarekin jarraituko dugu lanean.

Gomaeba bi pusketak, gure izozkiaren barkilloak izango dira. Horretarako arkatzaren laguntzaz laukitxoak marraztuko dizkiogu gainean.

Pintura lehortu denean, izozkia muntatzeko garaia iritsi da.

Alde biko zinta hartu eta kutxaren gainean puska pare bat jarriko dizkiogu eta honen gainean gure barkillo pusketa. Pauso hau kutxaren kanpoko goialde eta behealdean egingo dugu.

Barruko kutxa bere tokian jarriz, paketea egina izango dugu. 

Azkenik oparia barruan sartu eta kutxa itxi besterik ez zaigu geratzen.

Irudietan ikusten duzuen bezalaxe guk belarritako batzuk oparitzeko erabiliko dugu, baina edozein objektu txiki oparitzeko edo gordetzeko baliogarria izan daiteke.

Ba hau izan da guk prestatu dugun izozki paketea #paketatzepolita erronkan parte hartzeko.

Bertatik pasatzera gonbidatzen zaituztegu proposamen guztiak ikustera, eta gurea gustuko baduzue gure alde bozkatzera.

Besterik ez gaurkoz.

Hurren arte!

Paketatze polita: musika

 

Kaixo berriro!

Hementxe gaude bueltan @Patypeando blogak antolatzen duen hilabete honetako #paketatzepolita erronkarako gure proposamena zuekin partekatzeko.

Hilabete honetan paketatze musikalak prestatu egin behar genituen, eta hau izan da guri bururatu egin zaiguna.

Gauza da, aspaldiko partez kandela literarioak modan jarri zirela, eta hau oinarri hartuz, guk gure eskuz egindako kandelak kantutan oinarritzen hasi ginela. Eta oraingo honetan, oparitzeko kandela musikal bat prestatu egin berria genuela. Gure kandela Mikel Urdangarin abeslariaren "edari goxua" kantuan oinarritua dago, mahats usaina duela ardoa gogoratuz. Beraz, kandela honen paketatzea ere kantu honetan oinarritu egin dugu.

Esan beharrik ez dago, baina bada ezpada, opariaren hartzailea, Mikel Urdangarinen zalea dela jakin ezazue.

Hauek izan dira erabili egin ditugun materialak:

Partitura inprimatuak. Interneten bilatu eta bertatik deskargatutakoa dira. Gure kasuan "edari goxoa" kantuaren partiturak.

Abeslariaren irudi bat. Kasu honetan, nola ez, Mikel Urdangarinen irudi bat.

Kartulina puska bat.

Lazo puska bat. Kasu honetan beltza.

Goraizak, zelo eta barrako kola.

 

Goazen ba, pausoz-pausozkoarekin. 

 

 Hasteko, partituradun bi folioak, elkarren artean, eta bi aldeetatik pegatuko ditugu zeloarekin. Folioekin poltsa bat osatu nahi dugu eta honekin gorputza egitea lortuko dugu.

Orain azpiko aldea irudietan ikusten den bezala tolestu eta pegatuko dugu, poltsaren oinarria lortzeko.

 

 

Alboetan ere tolesdurak egingo dizkiogu irudietan ikusten den bezala, paperezko poltsa bukatzeko.

Irudiaren txanda orain. 

Irudia moztu, kartulinaren gainean pegatu eta hau ere moztu irudiaren itzala irudikatuz. Emaitza hartu eta partiturekin egindako poltsaren gainean pegatu egin dugu.

Oparia hartu, poltsaren barruan sartu eta paketea ixteko garaia iritsi da.

Itxi baino lehen, zinta beltza hartu eta inguruan jarriko diogu poltsari irudietan ikusten den bezala, eta bertan korapilatuko dugu. Ondoren poltsa zintaren gainetik tolestu eta pegatuko dugu. Honela zinta poltsaren heldulekua bihurtu dugu.

Eta hau izan da gure #paketatzepolita musikalaren prozesua.

Jakin ezazue opariaren hartzaileari, bai oparia eta baita paketatzea ikaragarri gustatu zaizkiola.

Ba hau da gure proposamena. Orain paketatze musikal hau hartu eta #patypeando blogera goaz, hilabete honetako erronkan parte hartzera. #paketatzepolita guztiak ikustera gonbidatzen zaituztegu eta gurea zuen gustukoa bada gure alde bozkatzera.

Hau da dena gaurkoz

Hurren arte!

Paketatze Polita frikia

 

Kaixo berriro!

Hemen gaude bueltan, hilabete honetako Paketatze polita erronkarako gure proposamena aurkeztera.

Dakizuen bezala, gure lagun Patypeando blogak antolatzen duen erronka honetan, gaia, kontzeptu edo gauza bati lotutako paketatzeak sortu behar ditugu. 

Hilabete honetako kontzeptua friki zan. Hau da, zerbaiti buruzko zaletasun amorratua. Guk onartu behar dugu nahiko friki garela, eta gai honi helduta ideia mordo bat etorri zitzaizkigun burura, baina bat aukeratu behar, eta  "Lord of the Rings" filma eta liburuei diegun zaletasunari lotutako ideia hau izan zen garaile.

Arwen eta Aragorn pertsonaiei gure omenalditxo umil hau.

 

Ikus ditzagun jarraian, erabili egin ditugun material sorta:

 

 

 

 

 

Krema kolorezko papera. 

Margolari zinta.

 Hosto adarrak. Guk hauek etxerako bidean dauden igokari landare handiei kendutakoak dira.

Formadun goraizak. Guk olatu forma duten hauek gentuen.

Errotulagailu beltz bat.

Goazen ba, pausoz-pausozkoarekin:

 

 

  Lehenengo egingo duguna, formadun goraizak hartuz papera moztea izango da. Horrela paperaren inguru guztia apainduta geratuko zaigu.

Orain paperaren erdia gutxi gora bera kalkulatu eta bertan aukeratu egin dugun irudia marraztuko dugu.

Guk Arwen-ek Aragorn-i emandako "arratsaldeko izarra"-ren irudia marraztu dugu. Interneten aurkitu dezakezue nahi izan ezkero. 

Orain oparia hartu eta gure paperarekin bilduko dugu irudia kanpora begira duela.

Paketea ixteko orduan papera itsastean bazterrak bistan uzten saiatuko gera. Guk margolari zinta erabili dugu itsasgarri bezala,  papearen tonalitate antzekoa duelako. 

Paketea itxia dugunean, hostoak hartu eta irudiaren inguran jarriko ditugu paketea apaintzen. Elfoen lurren berdetasun ederra irudikatu nahi izan ditugu honekin.

Gure paketatzeari errematea emateko,zorion txarteltxoa  egingo dugu. Horretarako formadun goraizekin papertxo puska bat moztu eta bertan Zorionak hitza idatzi diogu. Baina oraingoan elfikoz idatzi dugu.

Berriro ere interneten laguntza erabili dugu pauso honetan. Itzultzaile elfiko bat bilatu dugu, zorionak hitza jarri eta eman digun emaitza gure paperean kopiatu dugu. Baita elfiko hizki solte batzuk ere gero argazkian apaingarri gisa erabiltzeko.

Prest. Badugu gure paketatze frikia egina.

Orain paketea hartu eta #paketatzepolita erronkara goaz. Handik pasatzera gonbidatzen zaituztegu, proposamen guztiak ikusteko, eta gurea gustukoa baduzue gure alde bozkatzera.

Hau izan da dena gaurkoz

Hurren arte!