Udako zutargia

 

Kaixo berriro!

Eskolako oporrak iritsi dira, eta honekin uda garaiko eskulanekin hasteko momentua iritsi da.

Gaurkoan udako zutargi polit bat nola egin dugun kontatuko dizuegu.Udako gauak terrazan argitzeko edo dekorazio moduan erabiltzeko detaile polita izan daitezkeela pentsatu dugu.

Beti bezala etxean ditugun gauzak birziklatuz egindako lan bat da.

Ikusi erabili egin ditugun material sorta:

 

 

 

Paperezko ezpain zapia. Uda kutsua duena. Guk arraindun bat erabili dugu.

Lata huts bat.

Tapa bat. Kristalezko poto batena.

Kola txuria eta ur pixka bat.

Pintura txuria.

Pintzelak, guk bi motatakoak erabili ditugu. Ohiko bat kolarekin lan egiteko, eta esponjadun bat pinturarekin lan egiteko.

Itsasgarri unibertsala.

Behin materialak prest ditugula, hasi gaitezen zutargia egiten.

 

Gure zutargiaren oinarri gisa lata erabiliko dugu, eta hau apaintzen hasiko gera.

Lehenengo egingo duguna, lata margotzea izango da. Pintura txuria hartu, eta esponjadun pintzelarekin inguru guztia margotuko dugu. Ondo lehortu arte itxaron, eta bigarren kapa bat ere emango diogu. Berriro ere ondo lehortu arte itxarongo dugu.

Ezpainzapiaren txanda orain. Lata apaintzeko erabiliko dugun tamainako zatia, eskuekin moztuko dugu.

Hau egin dugunean, zapiaren gaineko kaparekin bakarri geratuko gera.

Kola txuria ur pixka batekin nahasi egingo dugu.

Kola nahasketa hartu eta lata gainetik pasako dugu, gainetik ezpainzapia  jarri eta honen gainetik berriro ere kola nahasketa jarriko diogu. Hau lataren inguru guztia osatu arte. Sobera daukagun pusketa eskuekin kendu eta gainetik ere kola nahasketa jarriko diogu.

 Lataren goi eta behe aldeetan sobera dugun materiala, uretan bustitako pintzelaren laguntzarekinegingo dugu.

Orain lata berriro ere oso ondo lehortzen utziko dugu.

Taparekin lan egiteko garaia. Hau izango da, berez, kandela jartzeko tokia.

Guk tapa txuria erabili dugu, beraz ez diogu ezer egin. Beste kolore batetako tapa eduki ezkero txuriz margotzea gomendatuko genizueke.

Tapa hartu eta itsasgarri unibertsalarekin lataren gainean itsatsiko dugu.

Itsasgarria ondo lehortu egin denean, gure zutargia prest edukiko dugu.

Kandela bat gainean jarri eta gozatzera!. Guk led kandela bat jarri diogu argazkiak egiteko, baina edozein kandela mota erabiltzeko aproposa da.

Guk orain zutargi hau, gure lagun @diydetodounpoco  Annaren etxera eramango dugu. Bertan, hilabete honetako #denetarikikasten erronkan parte hartzera.

Handik pasatzera animatzen zaituztegu aurkezten diren proposamen guztiak ikustera, eta gure proposamen hau gustukoa baduzue gure alde bozkatzera.

Hau izan da dena gaurkoz.

Hurren arte!

 

Egurrezko pintzekin egindako saskitxoa

Kaixo berriro!



Gaurkoan ordena mantentzen lagunduko digun saskitxo bat egurrezko pintzekin  nola egin dugun kontatuko dizuegu.
Guk etxekoen mugikorren kargadoreak antolatuak eta jasoak edukitzeko egin dugu. Baina zuek nahi duzuena gordetzeko erabil dezakezue.
Beti bezala etxetik dauzkagun gauzekin eta birziklatuz egingo duguna.
Eta etxeko txikiek oso laguntza gutxirekin egiteko aproposa.


Ikusi ditzagun erabili ditugun material sorta:

Kartoizko arrautza ontziak. Dozena erdiko bi.
Egurrezko pintzak, dozena pare bat gutxi gora behera.
Baieta zahar bat.
Errotulagailu permanente bat.
Goraizak
Kola txuria



Behin materialak bildu ditugunean, ba goaz pausoz-pausozkoarekin:

Hasteko arrautza ontziak hartu eta hauen tapak moztuko ditugu. Hauetako bat gure saskiaren oinarria izango bai da. Bigarrenari ipurdia moztu eta gordeko dugu.

Moztu dugun kartoizko taparen ipurdia hartu eta baietaren gainean jarriko dugu. Ingurua bertan markatu eta moztuko dugu orain.

Kolarekin lagunduta, moztuta daukagun kartoizko ipurdia, osorik daukagun taparen azpian,  margotutako aldeak bata bestearen kontra, pegatuko ditugu.
Eta baieta puskarekin, barruko aldean, gauza bera egingo dugu.
Badaukagu bukatua gure saskiaren oinarria.

Pintzen txanda orain.
Errotulagailu permanentea hartu eta gure gustuko irudiak egingo dizkiegu alde bakarrean.
Guk marrak eta puntutxoak egin dizkiegu, baina hau, beti esaten dizuedan bezala, bakoitzaren gustuen arabera egin dezakezue.

Pintza guztiak margotuak edo koloreztatuak dauzkagunean, saskia osatzeko erabiliko ditugu.
Banan bana gure kartoizko oinarrian inguruan jarriko ditugu irudietan ikusten duzuen bezalaxe.
Prest. Ba dugu gure saskitxoa bukatua.

Orain barruan  mugikorretako kargadoreak sartu eta bertan txukun jasoak edukiko ditugula espero dut.




Eta lan honekin, Diy de todo un poco blogaren #denetarikikasten erronkaren bostgarren urteurrena ospatzera nijoa.
Egun berezi hau ospatzeko ordena mantentzeko lanaren bat eskatzen bai du Annak .
Handik pasatzera gonbidatzen zaituztet, festa hau ospatzera elkartu egin garen lagun guztien lanak ikustera.



Ba hau izan da dena gaurkoz.

Hurren arte!

Baietekin egindako saskitxoak

Kaixo berriro!!

Gaurko honetan etxeko baietekin egin ditugun saskitxo hauek nola egin ditugun kontatuko dizuegu.

Gauza da, Diydetodounpoco-ko Annak , hilabetero antolatzen duen #denetarikikasten esteka festan  saskiak egiteko era desberdinak eskatu egiten dituela, eta guri hauek egitea bururatu egin zaigu.

Gainera bere blogaren urteurrena izango da egun horretan eta gu ez genuen festan partu hartu gabe geratu nahi. Moltes felicitats Anna!

Ea zer iruditzen zaizuen gure proposamena.

Oso erraz egiten dira, eta gure txikiak josten ikasten ari badira, dakitena praktikan jartzeko aproposak iruditzen zaizkigu.

Hauek erabili egin ditugun materialak.....

Baietak, etxean garbitzeko erabiltzen direnak.
Haria eta orratza.
Goraizeak
Pintza batzuk.

 Hasi gaitezen saskiak egiten....

Lehenengo egin behar deguna, baietak moztea izango da.
Saski bakoitzeko karratu bat beharko degu. Guk saski txikiak nahi genituenez baietaren laurden bateko karratua erabili egin degu.
Behin karratua degunean, izkin bakoitzetik ,erdira iritsi gabe, moztu egin degu hirukiak barruan eginez  irudian ikusten dezuten bezalaxe.

Orain gure hirukien puntak hartu eta binaka elkartuko ditugu pintzen laguntzaz, gure saskien forma borobila lortzeko. Lehenengo barruko aldea eginez eta ondoren kanpokoa.

Josteko garaia da orain.
Lehenengo saski honetan, festoi puntada erabili egin degu goiko parte guztia josteko.

Eta bigarrengo honetan, pintzekin lotu ditugun lau puntuak bakarik josi ditugu, beste efektu desberdin bat lortuz.

Prest!, bukatu egin ditugu gure saskitxoak. Orain nahi deguna barruan sartzeko garaia.....

 Hau izan da, ba gure proposamena.

Orain  #denetarikikasten esteka festara goaz. Handik pasa beste proposamen guztiak ikusi nahi badituzue.

Hurrenarte!

Serpentinakin egindako Pazko arrautzak

Kaixo berriro!!

Gaurkoan iristear dauden aste santuko oporretan, umeekin egiteko eskulan erraz eta dotore bat ekartzen degu.

Guk  festetan, Gabonetan eta abar-etan erabiltzen ditugun serpentina guztiak jaso eta gorde egiten ditugu gehienetan, oraingo honetan bezala, beraiekin gauza politak sortu daitezkeelako.
Oraingo honetan  arrautza hauek sortu ditugu.
Gainera  DIYde todo un poco-ko Anna Llansak antolatzen duen #denetarikikasten esteka festarako gaia pazkoa denez, bertara eramateko aproposak direla ere bururatu zaigu .
Ea zuen gustukoak diran.

Apaingarri moduan erabili daitezken pazko arrautza hauek egiteko hauek izan dira erabili egin ditugun material sorta....

Serpentinak
Kola txuria
Pintzela.
Besterik ez.


Ikusi ditzagun orain arrautzak egiteko jarraitu ditugun pausoak...

Lehenengo, gure arrautza egiteko erabiliko degun arrautzaren koloreko serpentina hartu eta barrura kiribilduz biltzen joango gera zirkulu bat osatuz.
Serpentina tira batekin txikia geratzen denez, guk hiru erabili egin ditugu. Bata bestearekin lotzeko, pintzelarekin muturretan kola piskat eman eta bata bestearekin pegatu besterik ez da behar.

Nahi degun tamainako  zirkulua lortu egin degunean. Beste bat egingo degu. Bi beharko ditugu ta, arrautzaren bi erdi lortzeko.
Bi zirkulu berdin  ditugunean, barrura bultzatuko ditugu kontu handiz, gure arrautza erdiaren forma lortu arte.

Bi arrautz erdiak elkartzeko ordua iritsi da orain. Horretarako pintzelaz kolarekin busti eta bata bestearekin  elkartuko ditugu .
Pauso honetan,  umea txikia bada, gure laguntza beharko du.

Orain,bi aldeen lotura ondo pegatua gera dadin, elkartu egiten diren tokiaren gainean, kola gehiago jarri eta gainetik serpentina tira bat pegatuko degu.
Ondoren arrautza guztia kolaz margotuko degu ,  babesle moduan kapa bat sortuz.
Lehortu arte itxoingo degu eta, prest! arrautza egina.



Guk pare bat egin ditugu eta saskitxo txiki baten jarri ditugu, kabi baten barruan  egongo balira bezala.

Orain gure pazko arrautza hauek #denetarikikasten esteka festara eramango ditugu, bertatik pasa beste proposamen guztiak ikustera eta gustukoa baduzue gure alde bozkatzera.

Ba hau izan da guztia gaurkoz.


Hurrenarte!

Irudien transferentzia azetonarekin

Kaixo berriro!!

Zer moduz hasi duzue iraila?. Gu nahiko  ondo hasi dugula esan behar degu.
Eskolara bueltatzeko irrikitan lagun guztiak berriro ikusteko.
Gainera errutina pixka baten beharrean ere geuden.

Ea hasi berri den kurtso berri honetan ere astero hemendik pasatzeko maiztasuna mantentzea lortzen degun.

Gaur ekartzen degu lana, aspaldi probatu nahi genuen teknika batekin egina dago. Little kimono blogean ikusi genuenetik egia esan (hemen klikatu ezkero bere tutoriala ikus dezakezue).
Ba, Jen-en tutoriala ikusi eta gero, guri probatzeko gogoa jarri zitzaigun, eta uda honetan denbora izan degunez saiatu egin gera, eta hau da guk egin deguna.


Lehenengo materialak.......

Egurrezko kutxatxoa.
Azetona, noski. (azkazaletako margoa kentzeko erabiltzen dena)
Irudien fotokopiak.
Kotoi diskak.




Goazen orain gure pausoz-pausokoarekin....

Egingo degun lehenengo gauza, irudiak nun kokatu nahi ditugun erabakitzea izango da.
Eta ondoren, irudiak buruz bera, bere tokian kokaturik utziko ditugu.

Orain, kotoi diska bat hartu, eta azetonarekin bustiko degu. Ondo bustita. eta kotoia poliki poliki irudien gainetik kontu handiz pasatuko degu.
Pauso honetan, Jen, bere tutorialean koilara batez lagundu egiten da, baina guk oraingo honetan ez degu erabili behar izan.
Behin irudia ondo busti egin degunean, pixkat itxoin eta kontu handiz kendu egingo degu egurrean gainetik
Prest. Irudi transferentzia egina degu.

Gu, ikusten dezuten bezalaxe, irudia txuri beltzean aukeratu eta transferitu genuen, baina koloreduna ere egin daiteke eta oso emaitza ederrak lortu.
Beno, ba txuri beltzean egin eta gero, nahiko sinplea geratu zitzaigula ikusirik, kolore pixkat ematea  bururatu egin zitzaigun, ikusi...

Errotulagailuak hartu, eta irudia koloreztatu egin genuen, eta horrela bizi piskat eman egin genion.

Hau izan da ba, gure teknika honen lehengo saiakera, eta ez da azkena izango.
Hori, bai, hurrengoan irudia kolore eta bizi gehiagorekin aukeratu egingo degu!!


Hurrenarte!!

Irudiak ohialetan plastikoarekin itsasten

Kaixo berriro!!

Badirudi astero hemendik pasatzeko intentzioa betetzena ari garela.

Aste honetan, gure motxila nola apaindu genuen kontatzera etorri gera.
Oso era errazean apaindu degu, guri asko gustatzen zaigun irudi bat bertan itsasten.
Erabili degun teknika,  interneten ikusi egin genuen, eta gure motxila apaintzeko erabiltzen animatu ginen.

Esan dizuegun bezala oso teknika erraza da eta gainera oso material gutxi erabili behar dira. Ikusi....

Motxila, edo kamiseta bat edo apaindu egin nahi degun oihala.
Kartoi puska bat, oihalaren azpian jartzeko lan egiten degun bitartean.
Gure gustuko irudi bat. Guk hau internetetik atera genuen.
Laberako papera.
Plastiko itsaskorra. Janaria biltzeko erabiltzen dena.
Guraizak
Lisa-burdina.

Goazen orain, ba, pausoz pausozkoarekin....

Lehenengo, gure irudia moztu egingo degu.
ondoren plastiko itsaskorraren bi kaparen artean jarriko degu.

Plastiko itsaskorra, goikoa behekoarekin itsatsita dagoela konprobatuko degu, eta ondoren gure irudiaren inguruan moztuko degu.

Orain, kartoia motxila barruan sartuko degu. motxila ondo zabaldu, eta guk nahi degun tokiaren gainean jarriko degu kontu handiz.
Azkenik laberako paper puska bat hartuko degu, eta irudia eta plastikoa estaliko ditugu.

Lisa burdina berotuko degu, eta nahiko bero dagoenean , laberako paperaren gainetik pasatuko degu.
Erditik hasi eta alboetara eragingo diogu lisa burdinari. Behin da berriro pasatuko degu lisa-burdina irudiaren gainetik, gure irudia ondo itsatsi arte.
Gure lana hoztu arte itxoin, eta gainean jarri diogun laberako papera kendu eta barruko kartoia ere bai, eta prest izango degu gure motxila edo kamiseta.

Oso pozik gelditu gera emaitzarekin. Eta teknika hau gehiagotan erabiliko degula ziur gaude!!
Egun hauetan gure hiriburu eta herri askotan izaten ari diren jaietako koadrila alkandorak apaintzeko aproposa dela iruditzen zaigu teknika hau, animatu eta proba ezazue!


Ba hau izan da dena gaurkoz.

Hurrenarte!!