Freskagarri lata batekin egindako belarritakoak

 

Kaixo berriro!

Hementxe gaude uda honetako lehenengo birziklapen lanarekin. Oraingo honetan gauden garairako oso aproposak diren belarritako batzuk, freskagarri lata bat birziklatuz nola egin dugun kontatuko dizuegu.

Lan hau, heldu batekin lagunduta egingo dugu artista oso txikia baldin bada. Artista ertaina baldin bada berak bakarrik egin dezaken lana da.

Hasteko erabili egin ditugun materialak zeintzuk diren kontatuko dizuegu:

Freskagarri baten lata bat. Hustua eta garbia, noski.

Goraizak

Arkatza

Orratz bat

Allikate txiki bat

Belarritako oinarri parea

Anila parea.

Materialak lortu egin dugunean, lanean hasiko gara.

Lehenengo egingo duguna lata moztea izango da. Goraiza batekin egin dezakegun lana da ,hori bai kontu handiarekin egingo duguna.

Burua eta ipurdia kenduko diogu lehenengo, bigarren goitik behera moztu xafla bat lortzeko. Hasieran nahiko irregularra aterako zaigu, beraz iskin guztiak errepasatuko ditugu zuzenak utziz.

Irudietan hobeto azalduta duzue lehenengo pauso hau, ikus dezakezuenez.

Behin latazko xafla lortu egin dugunean, gure belarritakoak diseinatzeko garaia iritsi da. Gure gustuko forma xaflan gainean marraztuko dugu arkatzez, eta ondoren moztuko dugu.

Gure kasuan bi karratu luze marraztu eta moztu ditugu lataren koloredun aldean, diseinuaren oinarri gisa. Ondoren izkinak borobildu ditugu lata  ziztatu ez dezan.

Koloredun zatiaren gainean jartzeko, kolorerik gabeko aldetik beste bi pieza txiki marraztu eta moztu ditugu. Hauei ere izkinak borobildu dizkiogu.

Orain eta belarritakoak muntatzen hasteko, moztu ditugun lau piezari goialdean eta erdian gutxi gora behera zulotxo bat egingo dizkiogu orratz batekin lagunduta.

Alikatea hartzeko momentua. Alikatearekin anila ireki eta bertan bi lata pieza sartuko ditugu, gure kasuan koloreduna azpian eta kolorerik gabekoa gainean jartzea erabaki dugu, eta orden horretan sartu ditugu anilaren barruan. Ondoren belarritako oinarria sartu eta azkenik eta berriro ere alikatea erabiliz anila itxiko dugu.

Baditugu erabiltzeko prest gure belarritako berriak. Moda osagarri polit eta ekologikoa!

Orain zuen bertsio propioa egitera animatzen zaituztegu. 

Hurren arte!

Berziklatuz sortzen: Esentzia-erregailua

 

 

 

Kaixo berriro!

Gaurkoan beste berziklai lan bat, zuekin partekatzera gatoz.

Oraingo honetan, esentziak erretzeko gailu bat egin dugu etxetik genituen gauzak erabiliaz. Esentziak erretzea atsegin duen lagun batentzako opari gisa egin dugu, eta ain lan erraz eta praktikoa gertatu zaigunez, zuekin pausoz pausozkoa partekatzea bururatu zaigu.

Hemen azpian, erabili ditugun material sorta:

 

 

 

Atun lata huts eta garbi bat.

Kristalezko poto baten tapa galdu bat.

Kortxozko basoazpia.

Goilara zahar bat.

Washi-tapea

Kola beroa pistola ta guzti

Alikate txiki bat.

Behin materialak bildu ditugunean, hasiko gara gure esentzia-erregailua egiten.

Lehenengo egingo duguna, atun lata apaintzea izango da. Horretarako washi- tapea hartu eta lata guztiaren inguruan itsatsiko dugu.

Lata apaindu ondoren, kola beroarekin tapa galdua pegatuko diogu goiko aldean irudian ikusten den moduan.

Esentzia berotzeko kandela jartzeko tokia egina dugu.

Esentzia edo olio usaintsua jartzeko tokia egin behar dugu orain. Horretarako goilara hartu eta alikatearen laguntzarekin goiko partea tolestuko dugu, berriro ere irudietan ikusten den bezala.

Behin goilara tolestu dugunean lataren albo batean pegatuko dugu kola beroarekin.

Esentzia-erregailua, berez, egina dugu, baina kortxoaren gainean pegatu egin dugu kola beroarekin. Horrela lata berotuko balitz, mahia erre ez dadin.

Kortxozko basoazpia bere tamainan utzi dugu guk, baian nahi izan ezkero taparen neurrira ere moztu eta pegatu egin daiteke.

Orain kandela bere tokian jarri, esentzia gure goilaran jarri eta kandela piztuz gure esentzien usain gozoarekin gozatuz besterik ez zaigu geratzen...

Hau izan da guztia gaurkoz. Zuen gustuko lana izan ba da hau, zuen bertso propioa egitera gonbidatzen zaituztegu.

Hurren arte!

Poltsikozko jostotzarra

 

Kaixo berriro!

Gaurkoan beste birziklapen lan bat zuekin partekatzera gatoz. Badakizue #birziklatuzsortzen leloa praktikatzea asko atsegin dugula.

Oraingo honetan, paper hezea edo txikientzako toallatxo bustien paketeak dakartzaten tapak erabiliko ditugu poltsikozko jostotzar txiki bat egiteko.

Egia da, guk, ez ditugula holakoak asko erabiltzen, baina gure ingurukoek horrelako gauzak dauzkatenean, askotan, guri ematen dizkigute beste erabilpen bat emango diogula dakitelako.Horrela birziklapenerako material asko pilatzen dugu. Eta hortik ateratzen dira blog honetarako lan gehientsuak.

Baina berriketak alde batera utzi, eta hasiko gara lanean. Hemen azpian erabili ditugun material sorta daukazue.

Plastikozko tapak. Aurrerago kontatu dizuegun bezala, toallatxo hezeak dakartzaten horietako bi erabiliko ditugu.

Kartoi puska bat. Gurea txokolate tableta baten bilgarriaren puska bat.

Washi tapea. 

Kola. Oraingo honetan itsasgarri unibertsala erabili dugu.

Arkatza eta goraizak.

Eta azkenik barruan sartzeko nahi ditugun josketa anabasak: hariak, orratza, botoitxoak....

Behin materialak eskuratu ditugunean, lanean hasiko gara.

Lehenengo pausua, behin tapak garbiak ditugula, bata bestearekin itsastea izango da.

Kola unibertsala erabili dugu guk oraingoan, baino nahi izan ezkero kola beroa ere erabili daiteke.

Gure jostotzar birziklatua, berez, egina dugu. Orain gure gustura apaintzea besterik ez zaigu falta.

Apaintzen hasi baino lehen, nahi izan ezkero, tapak dakartzan marrazkia eta letrak azetona erabiliaz kendu daitezke. Guk oraingoan gainetik apaintzea erabaki dugu, erabili ditugun washiak nahiko opakoak direlako.

Ba horixe, washi tapea hartu eta gure gustuen arabera jostotzarra apaintzen joango gara bi aldeetatik.

Azkenik, barruan sartuko ditugun anabasak antolatzeko erabiliko dugun kartoia jostotzarraren barruko neurrira moztu, eta bertan hariak, orratzak eta abar ipini eta ondoren barruan sartuko ditugu.

 

Tapa ondo itxi eta gure poltsan edo motxilan larrialdi batean erabiltzeko gure jostotzar txikia eramateko prest dugu.

Orain gure jostotzarra hartu eta #reciclaycreadiy erronkara goaz. Pasa zaitezte handik birzilatuz sortzen aurkezten dituzten lan guztiak ikustera, eta gurea gustukoa baduzue gure alde bozkatzera.

Hau izan da gaurkoz guztia. Espero dugu atsegin izan duzuela eta zuen bertsio propioa egitera gonbidatzen zaituztegu.

Hurren arte!

Botoi batekin egindako eraztuna

 

 

 Kaixo berriro!

Gaurkoan urte honetako azkeneko eskulana zuekin partekatzera gatoz. Aurten ekarri dizkizuegun gehienak bezala, lan azkarra eta erraza izango da. Material gutxikoa gainera, baina helduak edo helduen laguntzarekin egiten den horietakoa da.

Urtea bukatzeko, eraztun bat, botoi berezi batekin nola egin kontatuko dizuegu.

Guk botoi hau, Donostiako Eskulanen Etxean erosi egin genuen botoi eder batekin egin dugu. Hariak eta abar erostera joaten ginen bakoitzean, hango botoi bilduma handia ikusten genuen guztietan botoi hau ikusten genuen eta beti erosteko gogoarekin geratzen ginen, baina nola erabili erabaki arte ez genuen erosi. Hau da,eraztun bat egitea erabaki genuen arte. Orduan poz pozik botoia erosi eta lanean jarri ginen.

Huek erabili egin ditugun material sorta:

Gure botoi berezia. Zuek nahiago duzuen botoia erabili dezakezue, zuentzat berezia dena edo bereziki gustukoa duzuen bat.

Eraztun oinarria. Guk auzoko bazarrean erosi dugu.

Alikatea

Kola beroko pistola.

Behin materialak bildu ditugunean, lanean hasiko gera.

Lehengo egin duguna, azpiko partean zeukan metalezko piezatxoa alikatearekin moztea izan da. Azpiko aldea ahalik eta zapalena behar dugulako.

Orain kola bero puntu bat emango diogu botoiari azpiko partean eta gainean eraztun oinarria jarriko dugu.

Kola ondo hoztu arte itxoin eta prest izango dugu gure eraztuna.

 

 

 

Eraztun elegantea geratu zaigu. Gau zaharreko afaritarako jantzita eramango dugu aurten, gure modelito elegantearen konplementu perfektu gisa.

Ba hau izan da guztia gaurkoz. 

Sartzear dagoen urte berriko proposamen artean, hemendik, zuekin eskulan gehiago eta gehiagotan partekatzearena dago. Espero dezagun lortu ahal izatea.

Hurren arte!

Birziklapen azkarra: Loreontzia

 

Kaixo berriro!

Hementxe gaude eskulanekin bueltan. Oraingo honetan, birziklapen lan azkar eta polit batekin gatoz.

Udazken euritsua (azkenik eta zorionez euria dugu bueltan) hasi den honetan, edozein arratsaldean egiteko aproposa iruditu egin zaigu.

Etxetik dauzkagun edozein plastikozko botilatxo loreontzi eder bihurtuko dugu oso era errazean, ikusiko duzue.

Hauek izango dira erabiliko ditugun material sorta:

Plastikozko botila edo ontzia. Kondizio bakarra txuria izatea da. Esnearena, txanpu edo xaboiarena edoizen balio du txuria baldin bada. Gurea esne kondentsatu pote bat da.

Errotulagailu permanenteak. Gure gustuko edozein koloretakoak eta beltz bat.

Goraizak.

Behin materialak dauzkagula, hasi gaitezen gure ontzia loreontzi bihurtzen.

Lehenengo egingo duguna, ontzia biluztea izango da. Horretarako tapa eta dakarren etiketa guztiak kenduko dizkiogu.

Eta ondoren ondo garbitu eta lehortuko dugu. Barrutik eta kanpotik.

Ontzia garbia eta lehorra dugunean, apaintzen hasiko gera. Horretarako errotulagailu permanenteak hartu eta gainean inguru guztian margotzen hasiko gera. Bakoitzaren gustuen arabera.

Guk kasu honetan, lehenengo kolore piskat jarri diogu oinarri gisa irudi irregularrak osatuz, eta ondoren eta errotulagailu beltzaren laguntzaz, gainean gure gustuko irudiak egin ditugu.

Apaintzeko fase honetan, bakoitzaren gustu eta irudipena libre lantzeko momentua da.

Behin gure gustura apaindu dugunean, barrua betetzeko garaia iritsiko da.

Paperezko lore polit batzuk, guk bildutako lore sorta bat, nahi duzuena jarri eta gure etxeko edozein txoko alaitzeko prest izango dugu.

Guk gure ikas mahaiaren gainean jarri dugu, paperezko lore batzuk barruan jarri ondoren.

Lan erraza, ezta?. Orain zuen txanda.  Anima zaitezte zuen bertsio propioak egitera!

Ba besterik ez gaurkoz.

Hurren arte.

Erresinarik gabeko lore enkapsulazioa

 

Kaixo berriro!

Egun hauetan loreak bildu eta liburuen artean lehortzen ibili eta gero, lore kapsulazioari buruzko tutorialak, bideo eta liburu ugari ikusten ibili gera.

Gehienak erresina erabiltzen dute loreak kapsulatzeko. Guk beste bertsio errazago baten bila ibili gera, eta bat edo beste ikusi eta gero, etxetik genituen materialak aztertu ondoren, bertsio hau prestatu dugu.

Emaitza asko atsegin izan dugunez, zuekin partekatzera animatu gera.

Hauek izan dira erabili egin ditugun material sorta:

Lore lehorrak, noski.

Giltzatakoak egiteko erabiltzen diren arotxoak.

Plastikozko bilgarria, guk folioentzako fundak biltzen zituen bat erabili dugu.

Anila txiki pare bat eta kordela. Honekin zintzilikario bihurtu dugu gure lore kapsulatua.

Goraizak. Mozteko ezinbestekoak.

Behin materialak eskura ditugunean, lanean hasiko gera.

Lehenengo egin duguna, arotxoa plastikoaren gainean jartzea izan da. Bazterretik hasita plastikoaren tolesdura errespetatuz ero lorea barruan sartuko bai dugu plastikoaren barruan gera dadin.

Aroaren tamaina kalkulatu eta horren arabera plastikoa moztuko dugu.

Ondoren lorearekin gauza bera egingo dugu, horrela aroaren barruan sartuko zaigun lore puska moztuz.

Lore puska plastiko puskaren barruan sartu eta hau kontu handiz eta poliki poliki aroaren barruan sartzen joango gera.

Pausu hau nahiko zaila egin zaigu, plastikoa biguna zelako eta kostatu egin zaigulako aroaren barruan sartzea. Baina pazientzia apur batekin lortu egin dugu. Hori bai,hurrengo baterako plastikozko zorro gogorragoa erabiltzea pentsatu dugu.

Plastikoa barruan dugula, kanpotik geratu zaigun soberakina moztuko dugu kontu handiz.

Eta horrela gure erresinarik gabeko kapsulazioa prest izango dugu.

  

Guk,orain, gure lore kapsulatua koilare edo zintzilikario bihurtu nahi genuenez, anilinatxo bat jarri egin diogu .  Anilatxoa ireki eta aroan jarri eta itxi egin dugu.

 

 

 

Azkenik behar genuen neurriko kordel puska moztu, anilatxoatik pasa eta puntak korapilatuz gure zintzilikarioa sortu dugu.

Ze iruditzen zaizue?. Gure gusturako oso politak geratu egin zaizkigula pentsatzen dugu. Gainera bakoitza bakarra eta esklusiboa izango da, ez bai daude bi lore berdinik.

Uda honetan gure paparra apaintzeko koilare edo zintzilikario hauek ondo pozik eramango ditugu.

Orain zuen bertsio propioak egitera gonbidatzen zaituztegu.

Hau izanda dena gaurkoz.

Hurren arte!

Paketatze Polita: Cupkakeak edo madalenak.

 

 

 

Kaixo berriro!

Hementxe gaude bueltan Patypeando  -k antolatzen duen Paketatze Polita erronkarako hilabete honetako gure proposamena aurkeztera.

Dakizuenez, erronka honetan paketatze politak prestatu egin behar ditugu parte hartzaileak, gai, objektu edo gauza bati lotuak. Hilabete honetan cupcake edo madalenak dira oparitarako bildu egin behar ditugunak. Eta hau guri bururatu egin zaigun #paketatzepolita.

Oraingo honetan, auzoko kafetegi batean eramateko kafea eskatu ondoren, kartoizko ontzia behin hutsik zegoela, buruko argitxoa piztu egin zitzaigun eta gure paketatzea egiteko aproposa zela erabaki genuen.

Hemen azpian erabili egin ditugun materialen zerrenda osoa duzue:

Kartoizko edalontzia tapa eta guzti.

Washi tape sorta.

Tiradera apaingarria ( armairu batzuen tiraderak aldatu genituenean, kristala ematen zuten hauek aurkitu genituen eta behar baino gehiago erosi ondoren gure lanetarako aproposak izango zirelakoan gordeta genituen)

Goraizak eta kola unibertsala.

Materialak eskura ditugunean, paketatzea prestatzen hasiko gera.

Beti bezala, lan erraza da hau eta etxeko txikiekin egiteko aproposa izan daitekeena.

 

Edalontzia barrutik ondo garbitu ondoren, Kanpotik nahi dugun washi tapearekin gure gustura apainduko dugu.

Gure kasuan koadrodun washi beltz bat eta bihotzdun beste bat konbinatuz egin dugu.

Edalontzia gure gustura apaindu dugunean, buelta eman eta ipurdian tiradera apaingarria kolaz itsatsiko diogu.

Kola ondo lehorra egon arte itxarongo dugu orain. Bitartean eta nahi izan ezkero, madalenak egin ditzakegu.

Edalontzia horrela, gure opariaren tapa bihurtu dugu, eta edalontziaren plastikozko tapa, orain, oparia jartzeko oinarria izango da.

 

Tiradera ondo itsatsia dugunean, edalontziaren taparen gainean gure madalena edo cupcakea bertan jarri, eta edalontzia esan bezala tapa moduan jarriz gure #paketatzepolita egina dugu.

 

 

 

Errazaz eta azkar egiten den paketatzea da eta gainera birziklatuz sortzen gure filosofia jarraituz . Guk oso pozik gaude gure sorkuntza honekin.

Orain #PaketatzePolita erronkako esteka festan utziko dugu lotua, eta bertatik pasatzera gonbidatzen zaituztegu aurkezten diren proposamen guztiak ikustera, eta gurea gustuko baduzue, gure alde bozkatzera.

Hau da dena gaurkoz.

Hurren arte!