Gabonetako apaingarria tapa bat birziklatuz

 

Kaixo berriro!

Gaurkoan  aurtengo gabonetako eskulanei hasiera emateko, plastikozko tapa bat birziklatuz zuhaitzarentzako apaingarri bat nola egin dugun kontatuko dizuegu.

Oso lan erraza, etxetik dugun materialarekin eta etxeko txikiek egiteko oso aproposa.

Hauek behar ditugun material sorta:

Plastikozko tapa bat. Patata tutu horietako batena erabili egin dugu guk.

Kartulina txuri bat.

Gatz  arrunt apur bat. Sukaldatzeko erabiltzen duguna. 

Koloretako margoak.

Arkatza

Goraizak

Kola txuria

Lazo puska bat.

Behin materialak digunean, hasi gaitezen apaingarri hau egiten.

Lehenengo egingo duguna, tapa hartu eta kartulinaren gainean jarriz, inguru guztia (taparen kanpoaldetik) marraztea izango da.

Eta ondoren lortu dugun irudia moztuko dugu.

Moztu dugun kartulina puskaren gainean, nahiago dugun gabon edo neguko marrazki bat egin eta koloreztatuko dugu.

Gure kasuan elurretako panpina bat egitea erabaki dugu.

 

 

 

Orain gure irudia elurtuko dugu.

Efektu hau lortzeko, kola txuria "elurra" eduki nahi dugun tokian jarri eta gainean gatza jarriko diogu. 

Lehortzen utzi eta elur bustiaren efektua lortua izango dugu.

Irudiaren gaineko kola eta gatza lehorrak daudenean, plastikozko tapa gainean jartzeko txanda da. Horretarako taparen azpiko partean kola txuria eman eta ondoren kartulinaren gainean jarri eta lehortu arte utziko dugu.

Azkenik, eta apaingarria zintzilikatu ahal izateko, lazo puska hartu eta berriro ere kola txuriaren laguntzaz, apaingarriaren atzeko aldean pegatuko dugu.

Ondo lehortu arte itxoin eta zuhaitzean zintzilikatzeko prest izango dugu.

Erraza, ezta?. Orain zuen txanda. Anima zaitezte horrelako baten bat egiten. Guk oso ondo pasa dugu apaingarri hau prestatzen eta gainera patata tutuaren tapari beste bizitza bat emanez poza handia hartu dugu.

Hau izan da ba dena gaurkoz.

Hurren arte!

Gabonetako egutegia 2021

 

 

 

Kaixo berriro!

Hementxe gaude bueltan, esan genizuen bezala, Gabonetako gure lehenengo lana zuekin partekatzera.

Abendua hasi baino lehen gure aurtengo gabonetako egutegia nola prestatu egin dugun kontatuko dizuegu gaur.

Gabonetako egutegia dakizuenez, abenduko lehen egunetik gabon gaua arte atzera kontua egiteko egutegia da, non egun bakoitzerako sorpresa txiki bat gordeta dugu. 

Azkar batean egiten da, eta gainera birziklapena lantzen duen lana da.Begira zeintzuk diren erabili egin ditugun materialak:

Musuko edo maskara kutxa. 

Musukoen plastikozko poltsatxoak.

Folio txuriak

Errotulagailuak

Goraizak-

Kola eta margolari zinta.

Aurrerago kontatu dizuegun bezala, eta materialak ikusi ondoren, argi geratu egin da birziklapen edo berrerabilpen lana dela, ezta?.

Gaur egun derrigorrezkoak diren musukoak etortzen diren kutxa eta plastikoei beste bizitza bat nola eman gure ardura bat izaten ari da aspaldi honetan, eta hau izan da bururatu egin zaigun ideietako bat.

Goazen pausoz pausozkoarekin:

Lehengo egin duguna, kutxaren alde guztiak foliotan markatzea izan da. Eta ondoren hauek moztu egin ditugu.  Hauekin musukoen kutxa forratzeko erabiliko ditugu.

 

 

Aurreko aldea izango den puska hartuko dugu forratzen hasi aurretik eta bertan abenduko egutegia  1-etik hasi eta 24-ra marraztuko dugu. Nahiago dugun bezala apainduz.

Alde hau hartu eta kolaren laguntzaz, esan bezala, kutxan pegatuko dugu.

Era berean kutxaren alde guztiak forratuko ditugu. Guk folio txuriekin egin dugu, baina bakoitzak nahi duzuen bezala egin dezakezue, zuen gustuko paperak erabiliaz.

Margolari zinta hartuko dugu orain eta bertan gure egutegiaren zenbakiak banan bana idatziko ditugu eta nahi izan ezkero apaindu. Guk bihotz baten barruan idatzi ditugu gure zenbakiak ikus dezakezuenez.

Gure 24-a handiagoa egin dugu zintaren bi puska bata bestearen gainean jarriaz.

Zenbaki guztiak idatzi ditugunean moztuko ditugu eta plastikozko poltsatxoetan ipiniko ditugu.

Poltsatxoen barruan sartzeko, paper puska batzuk prestatu ditugu eta bertan mezutxoak idatzi egin ditugu. Batzuk animozkoak, beste batzuk oporretako plan txikien ideiekin, eta guztiak txokolate pixka batekin lagundu ditugu.

 

 

 

Sorpresa guztiak poltsatxoetan ditugunean, kutxaren barruan sartzea besterik ez zaigu geratzen.Eta abendua iristean, dagokion egunaren sorpresa atera eta kanpoan marraztu ditugun zenbakietan, marka jarriz gure gabonetako atzera kontua disfrutatzea tokatuko zaigu.

 

 

 

Espero dugu gure ideia hau atsegin izatea, eta zuena egiteko gogoa piztu izana.

Gure lan hau gaurkoan ere, Diydetodounpoco-ko Annak antolatzen duen #reciclaycreadiy erronkan parte hartzera eramango dugu. Handik pasatzera gonbidatzen zaituztegu aurkezten diren birziklapen lan guztiak ikustera. Eta gurea gustuko baduzue, gure alde bozkatzera.

Hau izan da guztia gaurkoz.

Hurren arte!

Udazkeneko kalabazak

 

Kaixo berriro!

Hementxe gaude bueltan, hasi berri den udazken honetako gure lehenengo eskulanarekin.

Gaurkoan, ain modan jarri diren oihalezko kalabaza apaingarrien gure etxeko bertsioa nola egin dugun kontatuko dizuegu.

Toki guztietatik ikusten ari gera oihalezko kalabaza apaingarriak, eta oihal eder askorekin eginak , edo denda askotan salgai eta guri gure lowcost bertsio hau bururatu egin zaigu, etxetik guztiok ziur izango ditugun gauzak erabiliz.

Gainera etxeko txikiekin egiteko lan erreza da. Arratsalde euritsu batean denbora pasa polita izan daitekeena.

Hauek materialak:

 

 

 

Sukaldeko zapi bat. Eskuak edo sukaldeko gauzak lehortzeko erabiltzen dugun horietako bat.

Kartoizko tutu bat. Edo txikiak badira bi (komuneko paperarena adibidez) .

Publizitate papera.

Hari beltz pixkat

Margolari zinta

Goraizak.

Behin material guztiak eskura ditugunean, hasi gaitezen pausoz pausozkoarekin.

Lehengo egin duguna, kartoizko tutua erditik moztea izan da. Tutu txikiak erabiltzen baditugu, pauso hau ez dugu egin behar, bi tutuk baditugulako.

Publiaren txanda orain. Publizitate papera hartu eta tutu edo txurro lodi xamarrak egingo ditugu eta margolari zintaren laguntzaz, tutuaren inguran pegatuko ditugu borobil antzeko zerbait lortu arte.

Honekin, gure kalabazaren barrualdea lortu egin nahi dugu, beraz, gure kalabazak izango duen tamaineko  lodiera emango diogu papera gehiago edo gutxiago jarriaz.

Zapiarekin lanean hasiko gera orain. Zapia mahi gainean zabaldu eta gure kalabazaren oinarria gainean, erdian gutxi gora behera, jarriko dugu.

Orain zapia punta batetik hartu eta tutuaren barruan sartuko dugu, oihalari forma pixkat emanez. 

Gauza bera hiru puntarekin egingo dugu, eta laugarren punta hartzerakoan, pixkat kanpoan utziko dugu, hosto bat irudikatuz.

Bigarren tutu puska hartuz, kirtena egingo diogu kalabazari.

Tutua erditik ireki, barrura bildu eta margolari zintarekin itsatsiko dugu. Hari beltz puska luze bat hartu eta kirtenaren inguruan bilduko dugu, lehengo gorantz eta gero beherantz haria gurutzatuz, eta behe aldean margolari zintarekin ondo pegatuz.

Kirtena prest dugunean, gure kalabazaren erdian jarriko dugu, utzi diogun hostoaren ondoan ondo sartuz.

Prest bukatu dugu gure kalabaza.

Guk, iruditan ikus dezakezuenez, bi zapi desberdinekin, kalabaza pare hau egin ditugu, baina etxetik daukagun edozein oihal puska erabili dezakegu. Kamiseta edo alkandora zaharrak erabiliz, koadrodunak adibidez . Zuen gustuen arabera edo etxetik aprobetxatzeko daukagunaren arabera.

Hau izan da ba, gure oihalezko udazkeneko kalabaza apaingarriaren etxeko bertsioa.

Espero dugu gustatu izan eta zuen bertsio propioak egiten anima zaitzatela.

Besterik ez gaurkoz.

Hurren arte!

Guk egindako washi tapea

 

 

 

 

Kaixo berriro!

Hementxe gaude bueltan beste esku lan erraz batekin.

Oraingoan etxeko txikiek beraiek bakarrik egin dezaketen lan bat ekartzen dugu. Guk egindako washi tapea.

Washi tapea zinta itsaskor apaindua da, eta hemendik maiz zabiltzatenak, badakizue guri washi tapea erabiltzea asko gustatzen zaigula . Mota, tamaina ,eta kolore desberdinetako zinta hauetako batzuk badauzkagu, eta dibertigarria iruditu zaigu gure zinta propioa egitea.

Behin egiten probatu eta pila egiten hasi ginen, oso erraza bai da. Eta zuekin partekatzera animatu gera.

Uda arraro honetako rato eder bat pasatzeko modu entretenigarri bat ere izan daiteke.

Hasi gaitezen materialak aurkezten:

Margolari zinta. Tamaina desberdineko bi erabili ditugu guk, baina nahi den tamainakoak izan daitezke.

Laberako papera. Ziur etxeko sukaldean daukazuela rollo bat .

Zigiluak,  zuen gustuko edozein.

Errotulagailuak.

Goraizak

Kartoi puska batzuk.

Hasi gaitezen ba gure washi tapea egiten...

Lehenengo egingo dugun gauza, labeko papera lan egin behar dugun mahai gainean ondo zabaltzea izango da.

Gainean margolari zinta tirak gainean itsatsiko ditugu. Labeko paperean jartzen ditugu gero zinta berriro ere bildu eta erabiltzeko prest izango dugulako, paper honen gainean ez delako finko itsasten.

Nahi aina zinta tira jarri eta bertan lanean hasiko gera.

Lehenengo modeloa, zigiluak erabiliz egingo dugu. Zigiluak errotulagailuekin margotu eta hauek margolari zintaren gainean estanpatuko ditugu. 

Nahi aina bider eta gure gustuko konposizioak eginez.

Argazkitan ikus dezakezuenez, erraz egiten den pausua da, eta oso emaitza politak ematen ditu. 

Beste aukera bat, zuzenean errotulagailuekin gure diseinuak egitea da. Rotuak hartu eta guk nahi ditugun marrazkiak zintaren gainean egitea, alegia.

Zinta guztiak gure gustura dekoratu eta gero gordetzeko bildu egin behar ditugu, erabiltzerakoan erraz eta eskura izan ditzagun.

Horretarako kartoi puskak hartu eta gure zinta inguran jartzeko tamaineko pusketak moztu, eta bertan zintak jarriko ditugu.

Nahi izan ezkero kartoian zen den idatzi egin dezakegu apaingarri moduan edo.

Eta prest, badugu gure washi tapea egina. Orain gure lanak, agendak, paperak, gutunak eta abar apaintzeko erabili ditzakegu.

Guk gure bullet journala apaintzeko erabili ditugu post hau prestatzeko egin ditun zintak.

Orain zuen txanda, anima zaitezte!

Eta hau da dena gaurkoz

Hurren arte!

 

Marko bat bitziklatuz egindako erretilua

 

 

Kaixo berriro!

Gaurkoan, aspaldi egiteko gogoa genuen eskulan super erraz bat ekartzen dizuegu. Gainera oso azkar egiten da eta udarako eskulan polita iruditu egin zaiguna.

Orangoan, erretilu bat egin dugu, etxetik bueltaka genuen marko zahar batekin. Ideia hau aspaldi pinterest-en ikusi eta gero noizbait egiteko gordeta genuen, eta  marko handi honi bigarren bizitza emateko momentua iritsi zaionez, behingoz egiteko aprobetxatu dugu.

Ikusi itzazue, markoaz gain, erabili ditugun material guztiak:

 

 

 

Marko zaharra. 

Paper polit bat.Gure gustukoa eta markoaren barruan sartzeko tamainako paper bat.Edo marrazki bat, edo ilustrazio bat, nahi duguna. Gure paper hau @diydetodounpoco-ko Annak bidalitakoa da.

Tiradera pare bat. Guk hauek sukaldeko armairuei tiraderak aldatzean sobratutakoak dira. Auzoko burdindegian erositakoak, merke askoak gainera.

Itsasgarri unibertsala. 

Ikusi egin duzuen bezala, material gutxi eta etxetik ez badugu, erraz lortzeko modukoa.

Goazen orain erretilua egiten hastera.

Lehenengo egingo duguna, markoari atzeko partea kentzea izango da. eta horren gainean aukeratutako papera jartzea izango da.

Guk aukeratutako papera ez zan nahikoa espazio guztia okupatzeko, beraz argazkietan ikusi duzuen bezala, azpian paper txuri bat jarri diogu.

Papera ondo jarria dugunean, markoa berriro ere muntatuko dugu, kristala eta guzti. Eta ondo itxiko dugu.

 

 

 

Tiraderan txanda orain. Itsasgarri unibertsala hartuz, markoaren goiko aldean eta parekatuta itsatsiko ditugu.Ondo itsatsiak dauden arte itxarongo dugu.  Eta prest, gure erretilua bukatua izango dugu.

Guk nahi dugun erabilpena emateko garaia orain. Apaingarri moduan gainean loreontzi bat jartzeko adibidez, edo gure bazkariko platerak jartzeko...

Berrerabilpen ideia erraz hau orain  @Didetodounpoco-ko Annak  antolatzen duen #birziklatuzsortzen erronkara eramango dugu. Bertatik pasatzera gonbidatzen zaituztegu aurkeztuko diren ideia guztiak ikustera, eta gurea gustukoa baduzue gure alde bozkatzera.

Hau izan da dena gaurkoz.

Hurren arte!

Paketatze Polita: izozkiak

 

 

 

Kaixo berriro! 

Hementxe gaude bueltan, hilabete honetako #paketatzepolita erronkarako gure proposamena nola prestatu egin dugun zuekin partekatzeko.

Badakizuenez, gure lagun @patypeando-ko Patryk antolatzen duen erronka honetan, paketatzeak prestatu behar ditugu parte hartzaileak, gai edo material bati lotuak.

Hilabete honetako gaia izozkiak dira, eta hau izan da guri gai horri lotutako ideia.Barra izozki kortea irudikatu izan nahi dugu, eta lortu dugula uste dugu.

Nola egin dugun kontatzen hasteko, erabili egin ditugun materialak aurkeztuko dizuegu lehenengo:

Poxpolo kutxa. 

Pintura arroxa

Pintzela

Goraizak

Arkatza

Alde biko zinta itsaskorra

Gomaeba.

Goazen orain, pausoz-pausozkoarekin:

Lehenengo egingo duguna, poxpolo kutxa ireki eta beheko aldea barrutik eta kanpoko aldeko ingurutik arroxa kolorez margotzea izango da.

Poxpolo kutxa izozki pusketa irudikatuko du, eta gure izozkia marrubizkoa izango da, horregatik kolore arroxa aukeratu dugu.

Barruko kutxa lehortzen den bitartean, kutxaren kanpoko aldea hartu eta gomaebaren gainean jarri eta ingurua markatuko dugu bertan.

Markatutako irudiari margen txiki bat eman eta ingurutik moztuko dugu. Neurri berdineko bi gomaeba puska egingo ditugu.

Orain kutxaren kanpoko aldea hartu, eta hau ere aroxa kolorez margotuko dugu. 

Alde batean lehortzen utziko dugu ere.

Gomaebarekin jarraituko dugu lanean.

Gomaeba bi pusketak, gure izozkiaren barkilloak izango dira. Horretarako arkatzaren laguntzaz laukitxoak marraztuko dizkiogu gainean.

Pintura lehortu denean, izozkia muntatzeko garaia iritsi da.

Alde biko zinta hartu eta kutxaren gainean puska pare bat jarriko dizkiogu eta honen gainean gure barkillo pusketa. Pauso hau kutxaren kanpoko goialde eta behealdean egingo dugu.

Barruko kutxa bere tokian jarriz, paketea egina izango dugu. 

Azkenik oparia barruan sartu eta kutxa itxi besterik ez zaigu geratzen.

Irudietan ikusten duzuen bezalaxe guk belarritako batzuk oparitzeko erabiliko dugu, baina edozein objektu txiki oparitzeko edo gordetzeko baliogarria izan daiteke.

Ba hau izan da guk prestatu dugun izozki paketea #paketatzepolita erronkan parte hartzeko.

Bertatik pasatzera gonbidatzen zaituztegu proposamen guztiak ikustera, eta gurea gustuko baduzue gure alde bozkatzera.

Besterik ez gaurkoz.

Hurren arte!