Apirilerako egutegia





Kaixo berriro!
Oraingo honetan, sarrera motz bat, apirilerako diseinatu dudan egutegia zuekin partekatzeko.
Udaberria sartu berria dagoenez,  eta animoak piztuta gabiltzanez, kolore pixka bat jarri egin diot .
Erabilgarria izango dezutelakoan nago. Eta diseinua zuen gustukoa izatea espero ere.
Beti bezala JEPG formatuan dago egina, zuek nahi bezala eta nahi beste deskargatu dezazuen.
Ikusi ezazue nola gelditzen dan...





Ba hau besterik ez.
Zen gustukoa bada, eta deskargatu edo inprimatu nahi baduzue, hemen azpian deskarga botoian klikatu ezkero beste leiho bat irekiko zaizue eta bertan deskargatzera eman eta zuena izango da.
Kontatuko didazue atsegin izan dezuten....


https://drive.google.com/open?id=0B_l46C50YUuwRExhZnhfaFRFRFE

Hurrenarte!


Gaztatxo kutxaz egindako koadro txikia





Kaixo berriro!
Gaurkoan, birziklatzen jarraituko degu eta By terenyak proposatzen digun bezala birziklatuko degu artea eginez.
Hilabete honetan Terek, kartoizko kutxak erabiliaz zerbait sortzea proposatu digu. Hemen, gazta kutxak erabili izan ditugu lehenago ere beste gauzak sortzeko. Adibidez hiru ilaran joko eramangarri bat, baina gaurkoan txoko txiki bat apaintzeko koadrotxo bat nola egin dudan azalduko dizuet.
Azkar batean egiten den eskulan erraza da, eta txikiekin egiteko aproposa ere bada.
Goazen ba lanarekin.Hauek, erabiliko ditugun materialak:




Gaztatxo kutxa, hau izango da, berez, koadroa.
Folio bat, kola, goraizak, margolari zinta, margoak,  eta gure gustuko marrazkiak. Kasu honetan internetetik aurkitutako koloreztatzeko mandala txiki batzuk.



Gaztatxo kutxaren tapa bakarrik erabiliko degu oraingo honetan.
Folioa hartu, eta bertan, taparen tamainako zirkulua markatu eta moztuko degu. Behin moztua dagoenean, taparen gainean pegatuko degu kolaz.
Taparen ingurua, margolari zintaz estaliko degu txukun-txukun.
Badugu gure koadro txikiaren oinarria egina!





Aukeratu degun marrazkia, nahi dugun bezala koloreztatuko degu. Behin gure gustura dugunean, moztu eta gure oinarriaren gainean pegatuko degu.
Prest! Badugu bukatua gure koadro txikia, nahi degun txokoa apaintzeko!




Erraza, ezta ?!.
Koadrotxoarekin 3R+1con arte-ra noa oraintxe. Handik pasa  kartoizko kutxekin eginiko proposamen guztiak ikusi nahi badezute.

Hurrenarte!






Feltrozko loreak




Kaixo berriro!
Gaurkoan, udaberriaren atean gaudenean, feltrozko lore erraz batzuk nola egin kontatuko dizuet.
Behin eginak ditugunean, edozein gauza apaindu ahal izango dugu beraiekin. Diadema, gantxito edo brotxeak ere egin ditzakegu lore hauek erabilita. Zuek nahi dezuten guztia.
Ea ba, goazen behar ditugun materialekin...





Feltroa, noski, nahi dezuten koloretakoa. Nik hiru hauek neuzkan beste lan batetik......
Zerbait zirkularra, feltroarekin zirkuluak egiteko erabiliko deguna.
Arkatza edo margoa, zirkuluak feltroan marrazteko.
Botoiak, egingo ditugun lore aina botoi beharko ditugu.
Goraizak, haria eta orratza.
Beti bezala inolako misterioa duten materialak ;-)
Orain pausoz pausozkoa, ikus dezagun...



Feltroaren gainean zirkuluak marraztuko ditugu, nahi degun tamainakoak. Ondoren zirkuluak moztu eta behin zirkuluak ditugunean erditik ebaki.
Zirkulu erdi bakoitza petalo bat izango da. Nik ez ditut zirkulu erdi perfektuak moztu....perfekzio zaleak ez garelako. Lore bakoitzeko, bost zirkulu erdi erabiliko ditugu.



Lorea osatzera orain.  Zirkulu erdiak, haria eta orratza erabiliz, elkarren artean josiko ditugu alde zuzenetik.
Bata bestearen atzean dauzkagunean, haritik tira eta estutuz, loreak forma hartuko du.
Lehenengo eta azken petaloa beraien artean josiko ditugu ondo estu, eta azkenik lorearen erdian botoia jarriko diogu.
Badugu lorea egina. Nahi aina lore egin ditzazkegu.



Lore hauek zertan erabili daitezken adibide gisa, gantxito batean jarri det hauetako bat, zuek ikus dezazuen.
Gantxito bat hartuz eta gainean kola pixka batekin lorea itsatsi besterik ez da behar. Ikusi:




Erraza, ezta?. Anima zaitezte, eta kolore guztietakoak egin ........
Pausoz pausozko hau,  De todo un poco blog-eko Denetarik ikasten-era eramango det. Hilabete honetan oihalekin egindakoak erakutsi behar bait dira. Pasa handik beste kide guztien lan ikaragarriak ikustera.
Hau ba dena gaurkoz.
Hurrenarte!


Aitaren Egunerako oparia





Kaixo berriro!
Gaurkoan sarrera azkar bat detailetxo batekin.
Bihar hilak 19,aitaren eguna ospatzen degu, eta naiz eta badakidan denok oparia prest izango dezutela, badaezpada despistaturen bat baldin badago hortik, laminatxo hau diseinatu egin det, diploma, koadro edo postal gisa norbaitek erabili behar baldin badu ere.....



JEPG. formatuan dago, zuek nahi dezuten tamainan inprimatu ahal izateko.
Beti bezala txuri beltzean tinta gutxio gastatzeko;-)
Irudia inprimatu eta zuen aitaren izenarekin bete. Besterik ez dezute behar, eta zuen opari gisa edo zuen opariekin batera  erabiltzeko prest duzue.
Zuen gustukoa bada, eta erabili nahi baduzue, ba beti bezala deskarga botoian kilikatuz, beste leiho bat irekiko zaizue eta bertan deskargatzera eman eta zuena izango da.

https://drive.google.com/open?id=0B_l46C50YUuwWGh2N2N5TUNZbnc



Ba, hauxe dena gaurkoz.
Aita guztiei Zorionak!!!!
Hurrenarte!


Espelta kuskusa saltxitxa eta kurriarekin





Kaixo berriro!
Gaur hilabete honetako errezetarekin nator. Patypeando eta Niñabonita- k antolatzen duten "Nik gozo, zuk gazi" erronkan parte hartzeko.
Oraingo honetan erabili behar genuen osagaia kuskusa izan da.
Guk etxean, maiz jaten degu eta bai garizko kuskusa eta baita espeltazkoa  erabiltzen ditugu. Eta gaurko errezeta hau espeltazko kuskusa erabiliz egin degu.
Errezeta hau, oso erraza da eta txikiek lagunduta ere prestatu daitekeena. Nik, iruditan ikusiko dezutenez,  nire ilobarekin egin det, eta gure afaria izan da gainera.
Hona hemen erabili ditugun osagaiak:



Espeltazko kuskusa,Oliba olioa,kurri hautsak eta oilasko saltxitxak. Nahi izan ezkero gatz piskat kuskusari botako diogun uretan jarri daiteke. Guk ez diogu jartzen.

Orain errezeta prestatzera:



Kuskusarekin hasiko gera. Ura irakiten jarriko degu, bitartean plater sakon batean kuskusa jarriko degu. Guk basokada txiki bat jarri degu biontzat. Behin ura irakin duenean, kuskus-aren tamaina bereko ur neurri berdina  jarriko diogu. Estali eta itxoitera.



Bitartean, saltxitxak kuriarekin prestatuko ditugu.
Saltxitxak xerratan moztu, olioa sartaian jarri eta berotu egin denean saltxitxak fregitzen jarriko ditugu.



Buelta pare bat eman eta kurri hautsa botako dizkiogu, nahi deguna, bakoitzaren gustuaren arabera.
Behin saltxitxak eginak daudenean kuskusa hartu eta gainean jarriko degu. Buelta pare bat eman eta platerera!.
Olio gordin tanta batzuk gainean jartzea gustatzen zaigu guri.
Prest!. Badugu gure platera bukatua.


On egin!
Zuen gustukoa izango dela espero det. Orain plater erraz eta eder hau Zuk gozo nik gazi-ra eramatea nijoa.
Beste errezetak ikusi nahi badituzue handik pasa, eta  gustukoa baduzue gurearen alde bozkatu.
Hurrenarte!


Aldi baterako tatoo-a





Kaixo berriro!
Gaurko honetan, etxeko txikiei asko gustatuko zaien aktibitate bat ekartzen dizuet. Arratsalde pasa polit bat izan daiteke, eta gainera oso emaitza  dibertigarria izango duena.
Aldi baterako tatoo bat nola egin degun azalduko dizuet.
Beti bezala etxean eduki daitezken gauzekin egina, gainera garbitzeko erraza dena. Hori, behin egin eta gero kendu egin nahi badute, noski. Bestela ere, egun pare batean bakarrik jungo zaie...
Goazen ba, behar ditugun materialekin:



Hauek dira behar ditugunak:
Olioa, edozein balioko digu, guk olibazkoa eskura genuen eta hori erabili degu, baina azalean ematen diren edozein olio erabili daitezke.
Talko hautsak eta hauek zabaltzeko, makillajea jartzeko brotxa bat.
Krema apur bat. Hidratantea, eskuetarako erabiltzen dena edo aurpegirako....edozein.
Ur pixka bat katilu batean eta zapi bat.
Eye linier bat. Tatoo-ari eman nahi diogun koloretakoa.
Kotoi pixkat , irudian jartzea ahaztu zaigu, baina erabiliko degu...
Laberako papera, sulfurizatua, bizkotxoak egiteko erabiltzen deguna...
Koaderno horri bat, arkatza eta goraizeak.

Hasi gaitezen pausoz pausozkoarekin:



Hasteko, tatuatu nahi degun irudia behar degu. Honetarako arkatza eta papera hartu egingo degu eta nahi degun motiboa marraztuko degu.
Oso abilak ez bagera, nunbaitetik kalkatu edo kopiatu ere egin daiteke. Hori txikiak erabaki dezatela....
Baina ziurrenik, beraien sorkuntza propioak egingo dituzte...Kontua izan behar degun gauza bakarra, irudia ispiluan ikusten degun zentzuan egon behar dela marraztua, gero zentzu zuzenean geratzeko.
Behin irudia egin degunean, laberako paper puska bat hartu eta bertan kalkatuko degu arkatzez.



Orain tatoo-a non egin behar degun erabaki behar degu. Behin erabaki degunean, olio pixka batekin pasako degu azala eta gainean paper sulfurizatua jarriko degu, marraztuta dagoen aldea azalari itsatsiz.



Zapia uretan bustiko degu, eta kontu handiz paperaren gainean jarriko degu, papera busti  eta marrazkia markatuta geratu dadin azalean.
Kontu handiarekin papera altxatuko degu.



Eye linier-a hartuko degu eta marrazki guztia errepasatuko degu poliki poliki. Ondo polita utzi degunean talko hautsak hartu eta gainetik jarriko ditugu. Orain brotxa hartuz, poliki poliki zabalduko ditugu irudi guztitik.


Bukatzen ari gera. Krema apur bat hartu eta tatooaren gainetik pasako degu igurtzi egin gabe, eta krema sobera kotoiarekin kolpetxoak emanez kenduko degu lehortu dadin.
Eta prest! Badugu gure tatooa egina!



Zer iruditzen zaizue?. Erraza dela uste dugu! Guk bat baino gehio egin genituen,eta noiz behinka gehio egiten ditugu! Orain zuen txanda, Anima zaitezte!
Ba hau da dena gaurkoz.
Hurrenarte!


Paketatze Polita plastilinarekin




Kaixo berriro!
Hementxe nago bueltan!.
Aste pare bat publikatu gabe egon eta gero, (Inauteriak eta lanarekin liatua ibili naiz), itzuli egin naiz hilabete honetarako lehengo erronkan parte hartzeko prest.
Patypeando-ren Paketatze Politan.
Hilabete honetarako proposatu digun materiala Plastilina izan da.Paketatze bat egiteko material zail xamarra. Buelta handiak eman dizkiot, eta  nire laguntzailearekin batera nahiko prueba egin ditugu, baina ez degu fundamentuzko estrukturarik lortu plastilina modelatuz.Hortaz, plastilina erabili degu biltzeko papera egiteko plastiko itsaskorrean sartuz, ostoekin egin genuenaren antzera.
Ea zer iruditzen zaizuen.
Hauek materialak:



Plastilina, nola ez, lehenengo. Guk bi kolore bakarrik erabili ditugu. Nahi izanez gero gehio ere erabili daitezke, zuen gustura.
Plastiko itsaskorra, liburuak forratzeko erabiltzen dena.
Pasta moztekoak. Guk, lore formadunak erabili ditugu, baina koloreekin bezala, gustuen arabera eman nahi diogun formakoak.
Zelo txuria eta normala ere, biak erabiliko ditugu.
Goraizak eta rotu beltz bat.
Hauek guztiak. Orain pausoz pausozkoa:




Lehenengo plastilina eta pasta moztutzekoekin loreak osatuko ditugu, nahi aina.Eta nahi ditugun tamainakoak.
Zenbat eta forma eta tamaina gehio, hobe.



Plastikoa moztuko degu orain. Behar degun tamainaren doblea.
Erdia bakarrik irekiko degu eta alde itsaskorraren gainean gure plastilinazko loreak jartzen jungo gera, nahi degun konposizioa lortu arte.
Behin lore guztiak jarri ditugunean, beste plastiko erdiari kapa babesgarria kendu eta gainean jarriko degu, lamina bat lortuz.




Lortu degun lamina edo papera hartu eta zeloa erabiliz, zaku edo poltsa bat egingo degu. Erditik tolestuz eta goiko partea irekia utziz.
Hau da  paketea egiteko erabiliko deguna.



Gure oparia paper txuriz bildu degu guk poltsan sartu baino lehen , zer den ez ikusteko.
Orain zelo txuriarekin zinta luze bat egin degu,  eta zakua goiko partetik lotzeko erabiliko degu.
Behin korapilatuta, zintan gure zorion mezua idatziko degu.




Prest!. Badugu gure paketatzea egina. Polita eta originala ezta?!
Hau izan da ba, gure plastilina erabiltzeko modua paketatze polit honetarako. Espero det zuen gustuko proposamena izatea.
Orain Paketatze Polita -ra eramango degu.
Bertatik pasa zaitezte proposamen guztiak ikustera, eta gurea gustukoa baduzue,  gure alde bozkatu.

Hurrenarte!